Forprosjekt - nashornet

3.3 ADMINISTRASJON
Administrasjonen skal vera liten og effektiv. Administrasjonen
får eit delt ansvar. Den sentrale eininga skal ha ansvar
for all overordna planlegging og gjennomføring av tiltak av
nasjonal karakter. I tillegg skal Asker og Suldal kommunar
ha eit lokalt administrativt ansvar for gjennomføring av
lokale prosjekt og tiltak med utgangspunkt i den profilen
jubileet har lagt opp til.
Den sentrale organisasjonen har koordineringsansvaret
mellom kommunane og landet elles. Det er viktig at hovudorganisasjonen
og den lokalt ansvarlege har eit tett
samarbeid om oppgåvene.
Administrasjonen skal og arbeida for hovudmålsetjinga om
å byggja opp under målsetjinga om å skapa sterke Lølandsmiljø
som skal leva vidare etter prosjektet er sluttført. Jamfør
punkt 6.3.3 Senter for nynorsk barnekultur og litteratur
og 6.4.3 Kunstnardalen.
3.3.1 Tilsette sentralt
Frå 1.6. 2006 blir det oppretta stilling som dagleg leiar
fram til 01.03. 2012. I hovudåra 2007 og 2011 er det naturleg
å utvida staben.
Det er naturleg å sjå om det går å kombinera arbeidet med
Lølandsmarkeringa med planlegginga av Children’s conference
for culture and peace 2008 i Suldal .
I tillegg kjem eventuelle prosjektstillingar ein får finansiert
gjennom eigne prosjekt.
De er aktuelt å sjå om ein kan få tilgang på sivilarbeidarar
eller personar på sysselsetjingstiltak.
3.3.2 Lokalisering av administrasjon
Den sentrale organisasjonen blir lokalisert til Suldal.
Vertskommunen syter og for å stilla rekneskapskompetanse
til disposisjon og at ein kan få nytta kommunen si revisjonsteneste.
25 3. Organisering