Forprosjekt - nashornet

4.4.2 Betaling for tilbod
Dei fleste prosjekta i markeringa må brukarane vera med
og betala for. I nokre høve er prisen symbolsk, i andre er
det ein reell pris som blir presentert.
Det blir rekna inn inntekter frå billettsal på dei arrangementa
som stiftinga sjølv står ansvarleg for.
Det er her lagt opp til ei inntekt på totalt 700 000 kroner.
4.4.3 Ymse inntekter
I posten ”Ymse inntekter” ligg ei rekkje inntekter som ein
i dag ikkje kan gjera greie for i detalj. På same måte har ein
utgifter som ikkje klart kan definerast no.
Det kan vera formidling av kunst, sal av tenester me gjer
for andre osb.
4.5 Utgifter
Administrasjonskostnadene er vist under punkt 4.1.1 Budsjett.
Det er sett av 4 680 000 kroner til dekking av løn og
reiser for styret og administrasjonen. Det blir ikkje betalt
honorar til styret, men refundert tap arbeidsforteneste til
dei som ikkje får dekka dette av andre.
Suldal kommune, som er vertskap for stiftinga, stiller rekneskapskompetanse
fritt til disposisjon for prosjektet. Det
same gjeld revisjonstenester.
Utgifter til kontorhald er ført opp med vel 400 000 kroner.
4.5.1 Tiltak
Når det gjeld prosjekta, er dei i hovudsak rekna med
runde summar utifrå erfaringar som er gjort tidlegare og
kor mykje det er rom for å bruka på kvart prosjekt. Når
detaljplanlegginga tek til, har ein ei ramme å gå etter for
kor mykje ein kan leggja i kvart tiltak. Erfaringsvis veit
me at det for einskilde prosjekt vil gå med noko meir
enn det ramma tillet, medan det for andre vil gå med
mindre. Nokre prosjekt vil erfaringsvis fella bort eller bli
omdefinerte, og nokre nye vil koma til.
4. Økonomi
36