Forprosjekt - nashornet

5.2.5 Presse - informasjon
Det skal utarbeidast eigne pressemapper på nettstaden
”nashornet.no” som pressa har tilgang til.
Dette basisstoffet kjem i tillegg til konkret stoff som rettar
seg mot dei tiltaka pressa spør etter. Bilete, avisteikningar
og trykk av kunstverk som kan nyttast som illustrasjonar er
fornuftig å ha med.
Ferdig pressestoff blir utarbeidd med lokal vinkling i høve
til aktivitetar generelt og konkrete aktivitetar i ein region.
I informasjonsstrategien blir det utarbeidd eit oversyn over
slike tiltak i prosjektfasen.
Det skal planleggjast pressekonferansar i høve til aktuelle
prosjekt og tiltak. Dette vil skje både i eigen regi og i regi
av andre som er ansvarlege for konkrete tiltak. Det blir viktig
å få ein felles profil på alt som skjer, sjølv om det ikkje
er i stiftinga sin eigen regi.
I alt pressearbeid er det viktig at me får med kven som er
sponsor, både generelt og for det aktuelle tiltaket.
Den første pressekonferansen finn stad når forprosjektrapporten
er klar, og når kommunane har handsama arbeidet
og eventuelt sagt ja til å gå vidare. I april 2006 må styret
med dagleg leiar presenterast.
Det skal òg haldast eigne uformelle pressemøte for ein del
utvalde pressefolk som kan blir informerte meir direkte om
arbeidet vårt.
Ansvar: Prosjektleiar / Informasjonsansvarleg
Økonomi: Organisasjonen
5.2.6 Informasjonsmateriell
Det vil vera tilgjengelege informasjonspakkar på nashornet.
no med idear om ulike aktivitetar til lag, foreiningar, skular
og kommunar. Desse skal innhalda generell informasjon og
tilbod som stiftinga kan gi.
Einskilde prosjekt er likevel tilgjengelege i trykte format,
slik som skriftserien.
Ansvar: Organisasjonen
Økonomi: Organisasjonen
43 5. Informasjon og marknadsføring