Forprosjekt - nashornet

5.1 VISJON OG VERDIGRUNNLAG
Visjonen for året er tydeleg og god. Likevel blir det ei utfordring
å gi den innhald gjennom det verdigrunnlaget som
ligg i botnen. Å konkretisera verdigrunnlaget slik at alle
dugnadsarbeidarane forstår og nyttar dette som grunnlag
for eige arbeid er ei stor utfordring.
Dette vil klargjera for folk kva som skal markerast og kva
ein ynskjer med ei slik markering, utan at ein treng å setja
seg inn i kven kulturpersonen er og kva jubileumsplanane
konkret går ut på.
Å skapa interesse for og lyst til å bruka Løland sine idear til
å byggje på dei unge sin fantasi og skaparkraft kan stå som
stikkord for dette.
Det blir laga informasjonsmateriell som kort fortel om
prosjektet. Dette tek utgangspunkt i visjonen og verdiane
for året, i tillegg til innhaldet i forprosjektet. Dette arbeidet
må vera sluttført tidleg hausten 2006.
5.2 INFORMASJONSARBEIDET
Det blir utarbeidd ein database over ressurspersonar, journalistar
og media, slik at informasjonsstraumen kan gå
raskt frå organisasjonen og ut til media. Så mykje som råd
skal vera tilgjengeleg elektronisk, slik som adresser, telefon,
e-postadresser med meir.
5.2.1 Grafisk profil
Det er under utarbeiding ein eigen grafisk profil for markeringa,
der ein brukarmanual som viser bruksområde må
på plass.
Formingslinene ved dei vidaregåande skulane er no utfordra
til å koma med sine bidrag som innspel i dette arbeidet,
og målet er at profilen skal vera på plass i mai/juni 2006.
Ansvar: Organisasjonen
Økonomi: Organisasjonen
41 5. Informasjon og marknadsføring