Forprosjekt - nashornet

3.1.1 Vedtekter for stiftinga
Framlegg til vedtekter:
§ 1 Føremål
Stiftinga ”Rasmus Løland 2007 – 2011” er ei ideell stifting.
Stiftinga skal arbeida for ei markering av livsverket til
mennesket, forfattaren, journalisten og samfunnsbyggjaren
Rasmus Løland. Arbeidet byggjer på ”Forprosjektrapporten
for Lølandmarkeringa 2007 - 2011”.
Nynorsk er målform for stiftinga sitt arbeid og dei oppgåver
stiftinga står ansvarleg for.
§ 2 Grunnkapital
Stiftinga skal ha ein grunnkapital på minst kr 500 000.
§ 3 Styret
Styret skal leia arbeidet i samsvar med formålet til stiftinga.
Dei skal føra tilsyn med forvaltninga av økonomi og ressursar
og vera hovudansvarleg for å gjennomføra stiftingstiltaka.
Styret har frå 5 til 7 medlemer. Kommunane Asker og
Suldal har rett til å peika ut ein medlem til styret kvar, det
same har fylkeskommunane Akershus og Rogaland. Dei
andre medlemmene blir valde av stiftarane på stiftarmøta.
Stiftarmøta vel styreleiar og nestleiar mellom styremedlemene.
Alle val gjeld for tre år om gongen.
Styret er vedtaksført når minst tre medlemer er til stades.
Kvart medlem har ei røyst. Blir røystetalet likt, er røysta til
styreleiar avgjerande.
Styret kan gjera vedtak om at nye organisasjonar/institusjonar
kan koma med i stiftinga.
§ 4 Rekneskap og revisjon
Suldal kommune stiller rekneskapsføringskompetanse og
revisjonstenester til disposisjon for stiftinga.
Styret vel revisor for stiftinga.
Styret har ansvar for at revidert årsrekneskap blir utarbeidd
kvart år og at det blir sendt stiftarane innan 1. juni året
etter.
23 3. Organisering