2007 # 01 Tigoriannguaruk! Tag suluk med hjem! Your personal copy!
2007 # 01 Tigoriannguaruk! Tag suluk med hjem! Your personal copy!
2007 # 01 Tigoriannguaruk! Tag suluk med hjem! Your personal copy!
You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
■ Eskimuut Canadamiut marluk. ■ To canadiske eskimoer. ■ Two Canadian Eskimos.<br />
matinut qulingiluanut sivisussusilik<br />
atussagunarpara. Imassaqarluareerpormi<br />
– suliarujussuussalluni…<br />
Atuagaq pimoorunniarpara, oqalugiaqattaarusuppallaarnangali.Pisariaqartinneqalissappalli<br />
allatut ajornartumik<br />
taamaaliortariaqassagunarpunga.<br />
Qaqutigoorluinnartunimmi saqqummiussassaqassaanga<br />
– filmilianillu<br />
peqaraluaruma – oqalugiarnikka aningaasarpassuarnik<br />
naleqassagaluarput.<br />
Tamakkuluunniit atunngikkaluarlugit<br />
Europami Amerikamilu oqalugiaqattaarnikkut<br />
ukiup ataatsip missaata<br />
ingerlanerani koruunit tuusintit untritillit<br />
marlussuit isertissinnaassagunarpakka.<br />
Kisianni tassa taamaaliorusuppallaanngilanga,<br />
taamatut angalanerujussuaq<br />
maani angalaninnit tamanit artukkerneqaatiginerussagakku.«<br />
Knud Rasmussenip ullorsiutaasa ilarujussui<br />
Dagmarimit apeqqutinut akissutaapput.<br />
Apeqqutit tamakku Dagmarip<br />
ullorsiutini allassimavai 1921-milu<br />
umiarsuaq kingulleq atorlugu nassiussimallugit.<br />
Akissutini Knud Rasmussenip<br />
»Kommissionskatalog«-inik taavai.<br />
Suluk # <strong>01</strong>•<strong>2007</strong> 24<br />
Inuilaarsuarmiillu ajornartorsiuterpassuarnik<br />
ersugassaqarluni, Dagmar nerisarfimmi<br />
pequtinik nutaanik pisissanersoq,<br />
inissiamik nutaamik takusaassanersoq<br />
imaluunniit immaqa illumik<br />
pisissanersoq isummerfigisussaasimavaa.<br />
»Isersimaartarfik qanoq ittumik qalipaateqalersissavara?<br />
Nalaasaarfimmik<br />
nutaamik qaamanerusumillu pisissasunga<br />
isumaqarpit?«<br />
Atuaqattaartuaraa<br />
Knud nalornisoortorujussuuvoq, kisianni<br />
ullorsiutit aamma naassaanngiusattumik<br />
nuannaarutissarsissutigai:<br />
»Ullut tamarluinnangajaasa atuartarpara,alanngaarsinnaangajaleraluarigalu<br />
atuaraangakku tamatigut nukissamik<br />
pigeqqaakkaminik peqartuartarpoq.<br />
Suut tamaasa sukumiisorujussuarmik<br />
oqaluttuarivatit; inuit tamarmik<br />
uummaarissutut eqqarsaatikkut<br />
saqqummertarput. Tamassi qanillilluinnartarpassi<br />
misigisasilu avitseqataaffigisarlugit.<br />
Pingaartumik meeqqat uum-<br />
maarissumik isigisutut ittarpakka, ineriartornerilu<br />
malinnaaffigisinnaallugit.<br />
Tamatigut takussutissarfigisarpakka,<br />
qanoq pitsaatigininnik –- qanoq annertutigisumik<br />
allanut iliuuseqartarninnik<br />
– erngerlungalu uanga nammineq<br />
namminissarsiortuunera kanngusuutigilersaraara.<br />
Qanoq akulikitsigisumik<br />
imminuinnaq eqqarsaatigisannginnerpunga<br />
piumasaqartarlungalu – aamma<br />
ilinnut – uanga eqqarsaatigiinnassagimma.<br />
Illit ilinniarfigilaarsinnaariaqaraluarpakkit…<br />
Ullumikkut kingumut<br />
ullorsiutitit matuakka naassaanngitsumik<br />
soriarsinnaassuseqanngitsutut<br />
misigimallunga! – Uummaarissutsimik<br />
ulikkaarlutillu imaqarluaqaat – uanga<br />
nalinginnarmik ilinnut tunniuttakkama<br />
akerlianik. Piviusunik paasissutissiiniaannarlunga,<br />
sumiinnitsinnik sulerinitsinnillu<br />
malinnaatikkumallutit.«<br />
Soorunami ilisimasassarsiornermi<br />
ullorsiutini sorpassuit »nalinginnaasariaqartarput«:<br />
26. november:<br />
»Asasara Dagmarinnguaq. Innartinnanga<br />
sinilluaqqusariaqarlutit misigisimavunga.<br />
Ulloq ulapaarfiusimavoq.<br />
Birket-ilu (etnografi Kaj Birket-Smith)<br />
marluulluta suliaqarluta issiasimavugut<br />
suliavullu naammasseqqammerlugit.<br />
Akisussaaffimmik tigummiartumut isumagisassarpassuupput.<br />
Tuttut amii<br />
katillugit 100-t aaqqissuussimavakka.<br />
Ilisimasassarsiornermi angalaqataasut<br />
tamarmik nutaanik atisartaartussaagamik<br />
– aqqaneq-marluullutalu.«<br />
Nikassaanngisaannartoq<br />
Knud Rasmussenip atuakkialerinermik<br />
eqqissilluni suliaqarsinnaanera ajornartorsiutaalaarsimavoq:<br />
»Peter Freuchen maaniissimanngikkaluarpat<br />
eqqissilluinnarlunga<br />
sulisinnaasimassagaluarpunga, oqalukkumatoorsuummalli<br />
eqqissisimaneq<br />
sivisunngisaannarpoq. Usi, ajunngeqaaq<br />
qiimajuaannartuullunilu. Aap,<br />
qiimanera tamatta alutoraarput. Ulloq<br />
naallugu aliikkutassanik isumaginnittarpoq,<br />
oqaluttuassaqartaqaarmi.«<br />
Nipaannerupput Birket-Smith, itsarnisarsiooq<br />
Therkel Mathiassen aamma<br />
»ikiorti« Helge Bangsted, tamarmik<br />
angalanerup ilungersunartuinik erloqissutiginnittut<br />
– Therkel Mathiassenilu<br />
nerisaqarnerup aamma tungaatigut: