2007 # 01 Tigoriannguaruk! Tag suluk med hjem! Your personal copy!
2007 # 01 Tigoriannguaruk! Tag suluk med hjem! Your personal copy!
2007 # 01 Tigoriannguaruk! Tag suluk med hjem! Your personal copy!
You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
■ ’Forskning i Nord’ qulequtaralugu ilisimatusarneq<br />
pillugu sunniiniarnermi 2006-imi juulip<br />
qaammataani ujarassiuut tammaarsimaffiat.<br />
■ En geologlejr i juli måned 2006 under forskningskampagnen<br />
’Forskning i Nord’<br />
■ A geological camp in July 2006 during the<br />
research campaign ’Research in the North’<br />
2006-imi maajimi juunimilu sermersuarmi<br />
qillerisartut Station Nordimit<br />
ungasinngitsumi sermitami Flade<br />
Isblinkimiipput. Tassani qillerisartut<br />
– ullorpassuarni perseruloortarneranit<br />
akornusersorneqaraluaqalutik – sermimit<br />
qillerinermikkut sermimik 430<br />
meterimik qaqitaqarput.<br />
Qillerineq minnerunngitsumik siunissami<br />
siunniussat annertuut inaarsarnerinut<br />
sermimi qillerisartunit atorneqarput:<br />
– Flade Isblinkimi qillerineq qillerutip<br />
imerpalasortaata nutaap avatangiisinut<br />
mingutsitsinngitsup nungutinneqarsinnaasullu,<br />
imerpalasumut Sermersuup<br />
qaavani qillerinernut atorsimasatsinnut,<br />
taartaasinnaasup misilerarneqarneranut<br />
atorparput, Jørgen Peder Steffensen<br />
Is- og Klimagruppenimeersoq<br />
oqarpoq. Imerpalasoq nutaaq qaqqortariarsuit<br />
kokosit uuliaannik tunngaveqarpoq,<br />
aasarlu qillerinitsinni misilittakkavut<br />
ima isumalluarnartigipput,<br />
imerpalasoq nutaaq uaguinnaanngitsunit<br />
kisiannili aamma nunat tamalaat<br />
akornanni qillerinissamik pilersaarutini<br />
annertuuni allani aamma atorneqalissagunarluni.<br />
Ilisimatuussutsikkut anguniagarineqarsimasoq<br />
tassaavoq sermitap silaannaap<br />
pissusiinut atatillugu oqaluttuassartaata,<br />
sermeq qillerinikkut qaqinneqartoq<br />
atorlugu atuarneqarsinnaasup, misissornissaa.<br />
Jørgen Peder Steffensen,<br />
qillerinerni pilersuinermut akisussaasoq,<br />
oqaluttuarpoq, sermitap<br />
pisoqarujussuunissaa ilimanarpallaanngitsoq.<br />
Ukiut 1000-iinnaat matuma<br />
siorna ukiuni akullerni kiatseruttornerata<br />
nalaani sermitap nungulluni aassimanissaa<br />
qaammatini tulliuttuni<br />
Air Greenland inflight magazine<br />
misissueqqissaarnertigut takutinneqarpat<br />
tupigusunnavianngilaq.<br />
Sermitoqarsuarmik ujaasineq<br />
Nunat tamalaat akornanni Issittup<br />
Ukiuani <strong>2007</strong>-imi 2008-milu tikerartorpassuaqarnissaanut<br />
Kalaallit<br />
Nunaat piareersalereersinnaavoq.<br />
Nunat tamalaat akornanni ilisimatusarnikkut<br />
suleqatigiissutissanit 406-inik<br />
amerlassuseqartunit 138-nit ikinnerunngitsut<br />
Kalaallit Nunaanni ilisimatusarnermut<br />
attuumassuteqassapput. Nunat<br />
tamalaat akornanni ilisimatusarnikkut<br />
suleqatigiissutissat ilaannut 80-inut<br />
qallunaat, kalaallit Savalimmiormiullu<br />
ilisimatuut peqataassapput 24-nullu<br />
siuttuussallutik. Issittup Ukiuani ingerlatassanut<br />
atatillugu ilisimatuut, pilersuinermik<br />
suliallit, teknikerit, timmisartuussisartut<br />
allallu ataatsimut katillugit<br />
5-6000-it Kalaallit Nunaannukarnissaat<br />
naatsorsuutigineqarpoq.<br />
Kalaallit Nunaanni nunat tamalaat<br />
akornanni suliniutissarujussuit qallunaanit<br />
siuttuuffigineqartut ilaat tassaavoq<br />
Sermersuup avannarpasinnerusortaani<br />
nutaamik qillerinissaq. 1989-92imi<br />
aamma 1999-2003-mi qillerinerit<br />
ukiut 100.000-it sinnerlugit matuma<br />
siorna silaannaap pissusiisa ineriartornerat<br />
pillugu ilisimasanik tupaallaataasunik<br />
aqqutissiuussisunillu paasisaqarfiusimapput.<br />
Kisianni sermersuarmit<br />
qillerinikkut qaqitassaq ukiut sermersuaqarfiit<br />
akornisa nalaannut kingullermut<br />
tamarmut – Eem-ip nalaanut<br />
– ukiut 130.000-it aamma<br />
100.000-it akornanni amerlassusillit<br />
matuma siorna atuussimasumut<br />
tunngasuusoq suli amigaatigineqarpoq.<br />
1999-2003-mi sermeq qillerinikkut<br />
qaqitaq NordGrip-imeersoq<br />
ukiut sermersuaqarfiit akorniniit ukiut<br />
59<br />
115.000-it matuma siorna sermersuaqarneranut<br />
kingullermut ikaarsaariarnermut<br />
tunngasuuvoq, kisianni Eem-ip<br />
nalaata affaa taamaallaat pissarsiarineqarsimavoq<br />
qillerinikkut qaqitassap<br />
naqqa aassimammat.<br />
Taamaattumik sermimi qillerinikkut<br />
qaqitassaq Eem-ip nalaanut tamarmut<br />
tunngasoq sermimi qillerisartunit kissaatigineqarluinnarpoq.<br />
– Piffissaq taanna uagut nalitsinni<br />
sermersuaqarfiit akornisa nalaannut<br />
ullutsinnilu silaannaap pissusiinut kiisalu<br />
avannaata kujataatalu akornanni<br />
pissutsit imminnut ataqatigiinneqalersarnerinut<br />
ukiut sermersuaqarfiusut<br />
ukiunilu sermersuaqarfiit akornanniittuni<br />
silaannaap pissusiisa tunngaviusumik<br />
allannguuteqartarnerinut atatillugu<br />
pissutaaqataasartutut pasineqartoq<br />
pillugu ilisimasanik pingaarutilinnik<br />
pissarsiffigisinnaassagipput neriuutigaarput,<br />
Jørgen Peder Steffensen<br />
oqarpoq.<br />
Maannalu misiliisoqaqqittussanngorpoq,<br />
tamatumuuna avannarpasinnerusumiittumi,<br />
NordGrip-imi qillerivimmiit<br />
300 kilometerinik avannarpasinnerusumiittumi<br />
Avanersuarmiillu kilometerinik<br />
untritilinnik marlussunnik<br />
kangisinnerusumiittut. Tamaani timmisartumiit<br />
radiop maligaasai uterartittakkat<br />
atorlugit uuttortaanertigut takutinneqarsimavoq,<br />
qillerinermi sermeq<br />
ukiunik 130.000-init amerlanernik pisoqaassusilik<br />
taamaalillunilu ukiut<br />
sermersuaqarfiusut akorninut tunngasuusussaq<br />
2500-2600 meterinik<br />
itissusilimiittoq anguneqarsinnaalluassagunartoq.