Lagnir 34 - lafi.is

Afmæliskveðja frá
Verkfræðingafélagi Íslands
Verkfræðingafélag Íslands var stofnað 19. apríl 1912. Frá upphafi hefur það verið eitt
meginmarkmið félagsins að efla verkfræðilega og vísindalega þekkingu félagsmanna og
stuðla að tækniþróun í landinu.Að þessu markmiði er m.a. unnið með fræðslu- og
umræðufundum og námskeiðahaldi.Auk þess er félagið umsagnaraðili um margvísleg
málefni er varða til dæmis menntun verkfræðinga og löggjöf á hinum ýmsu sviðum.
Með tilkomu Lagnafélags Íslands fyrir 20 árum varð til vettvangur þar sem hönnuðir og
verktakar geta skipst á skoðunum, sótt sameiginlega fræðslufundi og námskeið.
Lagnafélagið hefur þannig verið mikilvægur hlekkur í því að stuðla að tækniþróun í
landinu. Annars vegar með því að tryggja að hönnuðir og verktakar skili sem bestum
gæðum í vinnu sinni og hins vegar að ávallt sé valinn búnaður og efni sem uppfyllir
ákveðnar lágmarks gæðakröfur.
Verkfræðingafélag Íslands óskar Lagnafélagi Íslands til hamingju með 20 ára afmælið og
óskar því velfarnaðar í framtíðinni. Um leið þakkar Verkfræðingafélag Íslands gott og
árangusríkt samstarf um tveggja áratuga skeið.
Með kveðju,
Steinar Friðgeirsson, formaður VFÍ.
3
Afmæliskveðja frá
Félagi blikksmiðjueigenda
Tuttugu ár eru ekki langur tími sé tekið mið af öllum þeim árum sem undan eru gengin.
Engu að síður er ýmsu hægt að áorka á þeim tíma og er Lagnafélag Íslands ágætt dæmi
um það. Með stofnun félagsins var bætt úr brýnni þörf sem sameiginlegur vettvangur
þeirra fjölmörgu sem koma að lögnum og loftræstingum í húsum, allt frá hönnun, smíði,
uppsetningu og viðhaldi. Hafi menn efast um nytsemd slíks fagfélags þegar það var stofnað,
ætti sá vafi að vera gufaður upp nú tuttugu árum síðar enda sýna verkin merkin.
Fjölmörg námskeið og fræðslufundir sem haldnir hafa verið á vegum félagins hafa aukið á
færni þátttakenda sem síðan hafa nýtt sér hana viðskiptavinum og þjóðinni allri til hagsbóta.
Samvinna Lagnafélagsins og Fræðslumiðstöðvar málmiðnaðarins, sem nú heitir IÐAN
ehf.og blikksmíðagreinin er hluti af, hefur verið mjög farsæl og tvímælalaust aukið á
faglega færni blikksmiða og tæknimanna.
Ingólfur Sverrisson
Með því að koma Lagnakerfamiðstöð Íslands á fót af dæmafárri elju var brotið í blað um framkvæmdastjóri
alla aðstöðu til að kenna á hin flóknu tæki og tækjasamstæður sem lagna- og
loftræsitæknimenn þurfa að kunna góð skil á. Þetta framtak er gott dæmi um hvernig félag eins og Lagnafélag
Íslands getur stuðlað að framförum í lagnamálum og margir njóta góðs af – ekki einasta fag- og tæknimenn
heldur þjóðin öll með betri líðan í húsum og híbýlum.
Um leið og Félag blikksmiðjueigenda þakkar Lagnafélagi Íslands ákaflega góða og heilladrjúga samvinnu undanfarin
ár er félaginu óskað allra heilla í framtíðinni.
Félag blikksmiðjueigenda
Ingólfur Sverrisson
framkvæmdastjóri
20 ára afmælisrit Lagnafélags Íslands
9
Steinar Friðgeirsson,
formaður VFÍ.