Lagnir 34 - lafi.is

20 ára afmælisrit Lagnafélags Íslands
glíma við í sínu starfi, ekki síst tæringu málma. Sérstaka áherslu lagði hann á að skoða þyrfti nánar efnisval við
lagnir og að sem flestar lagnir væru utanáliggjandi.
Þóroddur kom með eina sérlega athyglisverða hugmynd. Hann gagnrýndi notkun steynsteyptra frárennslislagna í
grunnum hús og kom það mönnum ekki svo á óvart, fleiri voru með efasemdir um endingu þeirra þó vissulaga
væru þessi rör vandaðri á allan hátt en þau voru um og eftir miðja síðustu öld. En það sem Þóroddur benti á í
staðinn, brennd leirrör, kom meira á óvart. Slík rör voru ekki óþekkt á síðustu öld þar sem sérlega var vandað til
lagna, hjá heldri borgurum eða þar sem búist var við að skólpvatnið yrði sérlega ætandi.Tæplega var þó búist
við að brennd leirrör yrðu algeng til grunnlagna enda mun dýrari en steinsteyrt rör og framleiðendum fór
fækkandi erlendis.
Ráðstefna á Hótel Loftleiðum
Í mars árið 1994 var haldin ráðstefna á Hótel Loftleiðum um hver ábyrgð lagnamanna væri og voru þar settar
fram spurningar um frágang hönnuða og lagnamanna, hverjar séu úttektir á lagnakerfum, sérstaklega lokaúttektir.
Þarna fluttu erindi hvorki fleiri né færri en ellefu lagnamenn. Þrátt fyrir það er bókað í fundargerð stjórnar 23.
mars „að frekar lítið hafi komið út úr fundinum, erindi voru mörg hver ómarkviss og ekki vel undirbúin, þannig
að lítið var tekið á málum sem átti að fjalla um. Fram kom það sjónarmið að umræðuhópar hefðu þurft
að starfa og skila áliti“.
Þetta varð til þess að framkvæmdastjóri félagsins Kristján Ottósson tók málið föstum tökum. Áður hefur veri ð
sagt frá að hann innleiddi harðar og að sumum fannst óvægnar reglur um tímalengd framsöguerinda.Tæpast
mun nokkur finna að þeim reglum í dag sem á annað borð þekkja þær og hafa unnið eftir þeim. Eftir þetta tók
Kristján upp þá reglu að halda undirbúningsfund með frummælendum og prófa ræðutækni þeirra og kom þá í
ljós að á því var full þörf. Þótti mörgum hámenntuðum lagnamönnum þeir vera settir niður með slíkri afskiptasemi
en fundu fljótt hve mikla hjálp og stuðning þeir höfðu af þessu.
Þetta var gott dæmi um hvernig nota má mistök til uppbyggingar.
Það er athyglisvert að skólar landsins, fagskólar og háskólar, troða teórískri þekkingu í menn, en að kenna þeim
að selja þá þekkingu þegar út á markaðinn er komið virðist ekki vera til í þeirra huga. Það er ekki glæsilegt að
horfa upp á menn ný komna út úr háskóla, og geta ekki tjáð sig á verkfundum vegna þekkingarskorts á tjáningatækni
og mannlegum samskiptum.
Á einum undirbúnings fundinum varð þekktum verkfræðingi að orði.
„Það eru sex ár síðan ég lauk námi í verkfræði en ég hef aldrei fengið tilsögn í sviðsframkomu, hér fæ ég þjálfun
undir leiðsögn. Mikið vildi ég gefa fyrir að hafa fengið þessa þjálfun á meðan ég var í námi“.
Vitað er að framkvæmdastjóri LAFÍ hefur tekið menn í einkatíma.
Menn eru glaðir á aðalfundi LAFÍ og samþykkja með brosi á vör það sem stjórnin leggur til á næsta starfsári.
56