Lagnir 34 - lafi.is

Merkilegt starfsár og nýmæli
Enn var unnið af krafti að margs konar framfaramálum. Nú var stefnan tekin á Suðurland til að halda ráðstefnu
og sýningu og var Selfoss að sjálfsögðu staðurinn.
Myndin er frá sýningarbás Reykjalundar á Selfossi 1992. Þar sitja Gunnar Þórðarson verkfræðingur og Sigurður Jóhannesson fyrsti
plastsuðumaður á Íslandi
Mikil þáttaka var, margir sýnendur, áhugaverðir fyrirlestrar og fjöldi gesta kom.
En á Selfossi kom fram merkt mál sem var áskorun fjölmargra samtaka og stofnana til Lagnafélags Íslands um að
það beitti sér fyrir stofnun Lagnamiðstöðvar.
Að þessari hugmynd var unnið allt starfsárið 1992 – 1993 og á árinu bættust við fleiri aðilar sem vildu leggja
sitt af mörkum til að Lagnamiðstöðin gæti orðið að veruleika.
Þessi áskorun er svo mikilvægt upphaf að miklu ævintýri og ótrúlegri framkvæmd að hún birtist hér í heild.
Áskorun til Lagnafélags Íslands
20 ára afmælisrit Lagnafélags Íslands
Þetta er upphafið að því stórvirki sem Lagnakerfamiðstöð Íslands er,
en hún reis síðan á Keldnaholti og er enn að þróast til frekari framfara
fyrir alla Íslendinga, ekki aðeins fyrir þá sem að lögnum og lagnakerfum
vinna. Það skilar sér til almenning, ekki síst til eigenda fasteigna.
Fram að þessu var það lenska hérlendis að lítið sem ekkert var hirt um
viðhald lagnakerfa nema þegar bráða nauðsyn bar til og ekki varð
undan því vikist. Orðhagur maður komst svo að orði á þessum tíma
að það væri aðeins tvennt sem gæti þvingað íslenskan fasteignaeiganda
til að leita sér hjálpar og viðgerða á lagnakerfum; annaðhvort ískuldi í
íbúðinni eða að hann stigi í öklavatn þegar hann færi fram úr einn
morguninn.
52