Lagnir 34 - lafi.is

20 ára afmælisrit Lagnafélags Íslands
Hópferðir á lagnasýningar
Rétt er að geta þess að á þessu ári hóf LAFÍ hópferðir á ISH lagnasýninguna í Frankfurt í Þýskalandi og hefur
það verið fastur liður síðan í starfsemi félagsins.
Er ekki að efa að þessar ferðir á stærstu lagnasýningu Evrópu hafa aukið þekkingu lagnamanna og víðsýni,
komið þeim í kynni við nýjungar um leið og þær komu fram.
Á myndinni sést hluti af ferðahópnum, en í baksýn er áin Mosel og Moseldalurinn.
Á miðri mynd með sólgleraugu stendur Leifur Blumenstein fararstjórinn okkar og túlkur.Leifur hefur verið fararstjóri og túlkur í flestum
ferðum erlendis hjá Lagnafélagi Íslands frá stofnun þess. Félagið mun ekki njóta lengur styrkrar fararstjórnar Leifs Blumensteins, hann var
jarðsunginn þann 18. júní s.l. Er honum hér með þakkað fyrir alla þá aðstoð er hann veitti ferðafélögum LAFÍ á erlendri grund, en
ávalt var hann tilbúinn að túlka, bæði í sýningarbásum og aðstoða menn og konur í innkaupum. Blessuð sé minning hans.
Meiri fræðsla og ráðstefnur
Á árinu 1988 var tekin upp sú nýbreytni að halda fræðslufundi í samvinnu við fyrirtæki um ákveðnar vörutegund.
Fyrsta fyrirtækið, sem unnið var með, var Héðinn hf. til kynningar á vörum frá Danfoss í Danmörku.Til
landsins kom tæknimaður frá Danfoss, Hemann Boyesen verkfræðingur, og hélt fyrirlestur um þessi þekktu
stýritæki frá Danfoss sem var vel þekkt hérlendis bæði í hita- og kælitækni. Gísli Jóhannsson, forstjóri Danfossdeildar
Héðins hf. stýrði fundinum. Eftir fyrirspurnir og líflegar umræður var boðið upp á höfðinglegar veitingar.
Þá hófst einnig útrás LAFÍ á landsbyggðina. Fyrsti fræðslufundurinn utan höfuðborgarsvæðisisns var haldinn á
Akureyri og fögnuðu heimamenn þessu framtaki. Þetta var sami fundur og haldinn var í samvinnu við Héðin
hf. um Danfoss stjórntæki í Reykjavík.
Fræðslufundur um stjórntæki og stýribúnað var haldinn á Hótel Loftleiðum og var þar góð þátttaka og miklar
umræður. Framsögumenn á þeim fundi voru:
Rafn Jensson, verkfræðingur
Valdimar Jónsson, blikksmíðameistari
Sverrir Helgason, rafvirkjameistari
Samkvæmt venju og hefð voru Lagnafréttir gefnar út eftir hverja ráðstefnu, nú var Lagnafréttir nr. 4 komnar úr.
Útrásin heillar og á stjórnarfundi er rætt um að efna til hópferðar til Norðurlanda, Guðmundi Halldórssyni
falið að kanna möguleika á því.
Enn koma plaströr á dagskrá. Haldið er námskeið í samvinnu við Iðnskólann í Reykjavík og valdir á það ekki
aðeins fyrirlesarar heldur einnig þátttakendur, lagnamenn sem þegar höfðu nokkra reynslu af plastlögnum.
Í fundargerð eftir plaströrnámskeiðið er bókað:
„Reynslan af því virðist vera að enn sé framtíðin fremur óljós hvað varðar plastlagnir enn um sinn“ Það
38