Lagnir 34 - lafi.is

20 ára afmælisrit Lagnafélags Íslands
Vottun lagnaefna
Einn gestur kemur oftar en einu sinni á fund stjórnarinnar til að ræða vottun lagnaefna en það var Ásbjörn Einarsson
efnaverkfræðingur, hann kom til að gefa stjórninni sérfæðileg álit.
Hinn 7. mars er þetta bókað:
„Vottun lagnaefna.
Vinnuhópur á vegum umhverfisráðuneytisins hefur skilað álitsgerð til ráðuneytisins. Þess er vænst að ráðuneytið
leggi til breytingar á byggingalögum og reglugerð varðandi vottun byggingarefna“.
Á stjórnarfundi 7 febr. er bókað:
„Lagnakerfamiðstöð- Kennslukerfi.
KO afhenti stjórnarmönnum tillögur að kennslukerfinu fyrir Lagnakerfamiðstöð Íslands. Í ávarpi framkvæmdastjóra
Lagnakerfamiðstöðvarinnar kemur fram að búið sé að ákveða að byggja fullkomið loftræsi- og hitakerfi
fyrir blikksmíði annarsvegar og hinsvegar húshita- og lagnakerfi fyrir pípulagningamenn. Hönnuður er Sveinn
Áki Sverrisson á VSB verkfræðistofu. Nokkrum útvöldum aðilum voru sendar tillögurnar til skoðunar og gagnrýni“.
Á næsta stjórnarfundi er sama mál til umfjöllunar. Þar er bókað eftir Svavari T. Óskarssyni að mikilvægt sé að fá
fram skoðun sérfróðra lagnamanna hvernig æskilegt er að byggja upp lagnakerfi í Lagnakerfamiðstöðinni og
stjórnbúnað tengdan þeim.
Á stjórnarfundum eru stjórnarmenn oft beðnir um í lok funda að koma með athyglisverða punkta, bæði jásem
neikvæða.
Ásgeir Gunnarsson nefnir 7. mars að hann hafi áhyggjur að því að verið sé að lögfesta minni menntun, styttri
starfsreynslu og meira álag á vélstjórnunarstörf. Einnig benti hann á að vegna eigin reynslu að teiknitákn eru
mismunandi milli þjóða, en það veldur miklum erfiðleikum í samræmingu teikninga í fjölþjóðlegum verkefnum
eins og t. d. skipasmíði.
Jóhannes Einarsson bendir á skemmtilegt verkefni í Iðnskólanum í Hafnarfirði. Þar er verið að þjálfa fyrsta íslenska
pípulagninganemann til þátttöku í Meistarakeppni Norðurlanda í pípulögnum sem fram fer í Bella Center
í Kaupmannahöfn um miðjan maí.
Svavar T. Óskarsson bendir á að nauðsynlegt sé að koma á fót Tækniorðasafni fyrir lagnir.Taldi hann hugsanlegt
að nota heimasíðu LAFÍ við uppbyggingu safnsins.
Ýmislegt
Umhverfisráðuneytið skipaði vinnuhóp til að ráða fram úr þeim vanda sem bréf Byggingarfulltrúans í Reykjavík
olli, þó var hann aðeins að framfylga Byggingarreglugerð frá 1998, en það voru fyrirmæli sem á engan hátt
gátu staðist. Ef farið hefði verið eftir þeim fyrirmælum sem þar voru strengilega sett á blað hefði byggingaiðnaður
á Íslandi stöðvast þar til búið var að leysa það mál annaðhvort með breytingu reglugerðar eða með því
að uppfylla að allar byggingavörur væru vottaðar
Vinnufundur um vottun lagnaefna var haldinn í desember 2000. Þar voru haldin mörg erindi og menn tilnefndir
í áframhaldandi vinnuhóp:
Skúli Ágústson
Svavar T. Óskarsson
Rúnar Bachmann
Grétar leifsson
Bergsteinn Einarsson
Egill Skúli Ingibergsson
sem jafnframt var stjórnandi hópsins.
Ferðalög
Farið var á lagnasýninguna ISH í Frankfurt í mars 2001og var þátttaka góð. Þar voru m. a. móttökur hjá fyrirtækjunum
Mapress (Tækja-Tækni) og Rehau (Fjöltækni).
Hópur lagnamanna fór í maí 2000 í heimsókn til Danfoss í Danmörku.Var farið til verksmiðjanna í Nordborg á
eyjunni Als, hópurinn gisti í Sönderborg en þessir staðir eru nyrst og syðst á eyjunni eins og nöfnin benda til.
Að það var gist í Sönderborg kemur einfaldlega til af því að í Nordborg eru engin hótel, þar er lítið annað en
verksmiðjur Danfoss. Upphaflega ætlaði stofnandi Danfoss, Claus Madsen, að byggja verksmiðjurnar í Sönderborg
en sveitarstjórn þar hafði ekki trú á fyrirætlunum hans og synjaði um byggingarleyfi. Fór svo að Danfoss
verksmiðjurnar hófu framleiðslu á gamla bóndabænum í Nordborg þar sem Mads Clausen var fæddur og uppalinn,
þá sem þýskur ríkisborgari.
En þessi ferð var eftirminnileg fyrir margt en þó eitt öðru fremur. Þetta var kveðjuferð Gísla Jóhannssonar til
Danfoss en hann er sá sem byggt hafði upp sölu og þjónustu Danfoss á Íslandi með þeim ágætum sem raun ber
vitni.
80