Lagnir 34 - lafi.is

20 ára afmælisrit Lagnafélags Íslands
Hörð Jónsson, Jónas Valdimarsson, Sigurð Pálsson, Svein A. Sæmundsson og Einar Þorsteinsson. Þessi hópur
boðaði til fundar 22. febrúar 1980 á Hótel Esju. Þar mættu 29 menn og voru haldin fjögur fræðsluerindi. Frummælendur
voru Jón Þórðarson, Hörður Jónsson, Jónas Valdimarsson og Kristján Ottósson. Fundarstjóri var
Sveinn A. Sæmundsson.
Á fundinum var Hörður Jónsson tilnefndur til að kalla nefndina saman til að huga að stofnun félags.
Eftir þennan fund kom undirbúningsnefndin aldrei saman og þokaðist málið því lítið áleiðis, nema hvað Kristján
hélt málefninu vakandi og var í stanslausu sambandi við menn um framtíðar sýn til úrbóta og alltaf stækkaði
hópurinn sem studdi málstaðinn. Um vorið 1986, hafði Kristján samband við Hörð Jónsson sem var þá búsettur
í Svíþjóð og tjáði honum að hann ætlaði að taka að sér stýrihlutverkið við stofnun félagsins og samþykkti
Hörður það.
Kristján boðaði ákveðinn hóp manna til kynningarfundar, sem var haldinn í Iðnskólanum í Reykjavík, 15. maí
1986. Þar mættu 19 menn og voru 7 þeirra kosnir í undirbúningsnefnd þeir voru:
Kristján Ingimundarson, blikksmíðameistari
Guðmundur Halldórsson, verkfræðingur
Einar Þorsteinsson, tæknifræðingur
Guðni Jóhannesson, verkfræðingur
Hilmar Sigurðsson, verkfræðingur
Jónas Valdimarsson, pípulagningameistari
Friðrik Kristinsson, tæknifræðingur
og Kristján Ottósson, sem var valinn til að stýra nefndinni.
Margir fundir voru haldnir og voru unnin drög að lögum félagsins og fræðslufundur undirbúinn. Undirbúningsnefndin
boðaði til stofnfundar þann 4. október 1986,
eins og rakið er í sögu félagsins hér á eftir.
15