Lagnir 34 - lafi.is

Aðalfundur 1997
Á þeim fundi voru eftirtaldir kjörnir í stjórn:
20 ára afmælisrit Lagnafélags Íslands
Sitandi frá vinstri: Guðmundur Þóroddssson formaður, Þórður Ólafur Búason (varaformaður)
Standandi frá vinstri: Sveinn Áki Sverrisson (ritari), Guðbjörn Þór Ævarsson, Ástráður Magnússon, Guðmundur Hjálmarsson, og
Kristján Ottósson, framkvæmdastjóri. Á myndina vantar Gylfa Guðjónsson.
Margt að gerast
Fræðslufundur var haldinn á Egilstöðum og voru fyrirlesarar bæði heimamenn og aðkomnir og má segja að þar
hafi verið rætt um allt milli himins og jarðar. Þar var rætt um hönnun lagnakerfa, stillingu þeirra, internetið,
stjórnbúnað, hvort lausnir gömli meistaranna væru enn góðar og gildar, lokafrágang lagnakerfa, handbækur og
hvernig fagmenn bregðast við nýjungum í stjórnbúnaði og lokafrágangi lagnakerfa.
Kvöldið fyrir ráðstefnuna sat Sigurður Grétar Guðmundsson, höfundur Lagnafrétta í Morgunblaðinu, fyrir
svörum á Café Nielsen að frumkvæði Guðmundar Davíðssonar hitaveitustjóra Hitaveitu Egilsstaða og Fella og
komu þar gestir og urðu þar líflegar spurningar og umræður. Guðmundur Davíðsson bauð að lokinni ráðstefnu
og sýningu gestum til móttöku Hitaveitu Egilstaða og Fella.
Byggingarreglugerðin
Væntanleg Byggingarreglugerð var mönnum ofarlega í huga og kannski ekki að ástæðulausu.
Starfandi var nefnd á vegum LAFÍ sem vildi umfram allt koma fram sjónarmiðum þeirra er áttu að vinna eftir
reglugerðinni og var sú nefnd undir styrkri forystu Egils Skúla Ingibergsssonar formanns Gæðamatsráðs og þar
voru einnig frá ráðinu þeir Friðrik S. Kristinsson byggingartæknifræðingur, Jón Kristinn Gunnarsson iðnfræðingur
og blikksmíðameistari og Ragnar Gunnarsson iðnfræðingur og pípulagningameistari.
Aðrir sem unnu í þessum hópi voru frá Fagráði loftræsikerfa Sveinn Áki Sverrisson véltæknifræðingur og Ástráður
Magnússon blikksmíðameistari, frá Fagráði pípulagna Kjartan Helgason verkfræðingur og Páll Bjarnason
pípulagningameistari, frá Félagi pípulagningameistara Sigurður Grétar Guðmundsson pípulagnigameistari, frá
LAFÍ Ólafur Árnason verkfræðingur og Kristján Ottósson vélsstjóri og blikksmíðameistari.
Ótti manna við að þeir sem helst ættu að hafa áhrif á endurskoðun Byggingarreglugerðar mættu sín lítils kemur
vel fram í þessari bókun vinnuhópsins:
„Það er athyglisvert að fljótlega urðum við í vinnuhópnum varir við að þeir sem öllu vildu ráða við uppbyggingu
Byggingarreglugerðarinnar voru skrifstofumenn í opinberum störfum, menn í eftirlitsstörfum, menn
sem eiga að sjá um að reglugerðinni sé framfylgt, menn sem kvaddir eru til sem meðdómarar í málaferlum.
Hverra hagsmuna eru þessir menn að gæta?“.
Lagnafélagið í samvinnu við Samtök iðnaðarins boðuðu hagsmunaaðila í byggingariðnaði til fundar um gerð
og endurskoðun Byggingarreglugerðar. Á þeim fundi áttu sæti fulltrúar frá Arkitektafélagi Íslands, Byggingarfræðingafélagi
Íslands, Félagi ráðgjafarverkfræðinga, Lagnafélagi Íslands,Verkfræðingafélagi Íslands og Vinnuveitendasambandi
Íslands.
Ástæða alls þessa starfs var ekki síst sú að í lok október voru send út drög að reglugerð frá þeim sem einmitt
voru nefndir í fyrrnefndri bókun vinnuhópsins. Er skemmst frá því að segja að þessi drög vöktu bæði undrun
69