Lagnir 34 - lafi.is

20 ára afmælisrit Lagnafélags Íslands
Aðrir frummælendur voru Ragnar Kristinsson tæknifræðingur hjá Verkfræðistofu Guðmundar og Kristjáns, en
hann hafði hannað kæliraftakerfi í byggingu Endurmenntunarstofnunar Háskóla Íslands en þar var ráðstefnan
haldin, einnig flutti erindi Þórarinn Magnússon verkfræðingur og byggingarstjóri húss Endurmenntunarstofnunarinnar.
Hitaveita í Stykkishólmi
Heitt vatn hafði fundist skammt frá Stykkishólmi bæjarbúum til mikillar gleði. LAFÍ stóð fyrir lagnasýningu og
upplýsingafundi í Stykkishólmi í október 1998 eftir að óskir komu frá Bæjarstjórn þar um. Þar sýndu flestir
innflytjendur lagnaefnis hvað þeir hefðu að bjóða heimamönnum þegar þeir tækju inn hitaveitu og fræðandi
erindi voru haldin. Heimamenn sýndu þessum atburðum mikinn áhuga, fjölmenntu á sýningu og fræðslufund,
spurðu margra spurninga. Bæjarstjórinn Ólafur Hilmar Sverrisson tók á móti gestum og flutti ávarp, ungt fólk úr
Stykkishólmi gladdi gesti með léttum lögum og ljúfum tónum.
Frá ráðstefnu vegna væntanlegrar hitaveitu í Stykkishólmi í nóvember 1998
Alþjóðasýningin ISH í Frankfurt
Þó segja megi að hópferðir LAFÍ á sýninguna í Frankfurt hafi verið fastur liður í starfi félagsins hefur ekki verið
sagt frá hverri ferð sem farin var.
Lagnasýningin í Frankfurt, sem er haldin annað hvert ár, er stærsta lagnasýning sem haldin er í Evrópu. Þar
sýna framleiðendur hvers konar lagnaefnis framleiðslu sína og þar kom nýjungarnar fram. Um 1970 varð bylting
á framleiðslu efna og tækja til lagna í byggingar. Fram að því hafði lagnaefni verið með hefðbundnu sniði
en það sem gerðist á þessum tímamótum var þrennt; í fyrsta lagi holskefla plastefna í lögnum, í öðru lagi nýr
lagnamáti með tilkomu þrýstitengja fyrir bæði málmrör sem plaströr, í þriðja lagi hélt tölvan innreið sína í
stýribúnað lagnkerfa.
Það er ekki nokkur vafi að hópferðir LAFÍ fyrir lagnamenn á sýningarnar í Frankfurt hefur verið þeim nokkurskonar
háskóli á liðnum árum. Í þessum ferðum soguðu menn í sig allar þær nýjungar sem voru að koma
fram og mátti telja oft á tíðum til byltinga. Án þessara ferða hefði þekkingin komið seinna til Íslands og ekki
orðið eins hnitmiðuð ef ekki hefði verið hægt að nálgast og kynnast því sem var að gerast hjá framleiðendum
sjálfum og þeirra tæknimönnum sem sýndu í máli og verki hvernig nýjungar voru nýttar í byggingariðnaði.
Í mars 1998 var ISH lagnasýning í Frankfurt og var góð þátttaka að venju. Eins og oft áður notuðu þekkt og
stór fyrirtæki í lagnaiðnaði tækifærið og héldu sérstakar móttökur fyrir gestina frá Íslandi. Að þessu sinni var
stórfyrirtækið Mannesmann stórtækast og bauð íslenska hópnum fyrir milligöngu umboðsaðila síns á Íslandi,
Tækja -Tækni í Kópavogi, að hefja för sína með heimsókn til höfuðstöðva sinna og verksmiðju í Dusseldorf og
það með að gista þar á hóteli fyrstu nóttina í Þýskalandi.Var þar tekið höfðinglega á móti hópnum, verksmiðjan
sýnd, framleiðslan kynnt og boðið til kvöldverðar.
71