Lagnir 34 - lafi.is

20 ára afmælisrit Lagnafélags Íslands
Aðalfundur 1992
Til að fá fram fleiri sjónamið við val á stjórnarmönnum samþykkti stjórnin að skipa uppstillingarnefnd fyrir
stjórnarkjör á næsta aðalfundi sem yrði eingöngu skipuð mönnum utan stjórnar.
Voru þessir skipaðir í nefndina:
•Davíð Atli Oddsson, form. Félags pípulagningameistara
• Gylfi Konráðsson, form. Félags blikksmiðjueigenda
• Guðmundur Halldórsson verkfræðingur
• Einar Þorsteinsson deildarstjóri Lagnadeildar Rb.
Nýir menn í stjórn voru kjörnir:
Guðmundur Jónsson vélfræðingur, formaður
Ragnar Kristinsson tæknifræðingur, meðstjórnandi
Hreinn Frímannsson hvarf úr stjórn.
Þeir sem fyrir voru:
Sigurður Grétar Guðmundsson varaformaður
Valur Guðmundsson ritari
Kolviður Helgason gjaldkeri
Ragnar Ragnarsson meðstjórnandi
Kristján Nielsson meðstjórnandi.
Kristján Ottósson og Sigurður Grétar Guðmundsson fengu það verkefni á stjórnarfundi að koma með
tillögu um viðurkenningarnefnd.
Lögðu þeir til að þessir einstaklingar tækju sæti í nefndinni:
Valdimar K. Jónsson prófessor
Kristján Pétur Ingimundarson blikksmíðameistari
Benóný Kristjánsson pípulagningameistari.
Ritari nefndarinnar kjörinn Sigurður Magnús Harðarson blikksmíðameistari.
Seta Benónýs Kristjánssonar í nefndinni varð ekki löng en hann lést á árinu, sæti hans tók
Tryggvi Gíslason pípulagningameistari.
Eins og fram hefur komið voru settar á laggirnar nokkur ráð í einstökum mál- og fagflokkum.Tvö ráð eru
einkum til umræðu á þessum aðalfundi, Umhverfisráð og Gæðamatsráð.Tillaga um Gæðamatsráð var einróma
samþykkt. Því er einkum ætlað að hjálpa fólki sem lendir í vanda vegna slæms frágangs eða hreinlega gallaðra
lagnaverka. Fram að þessu hefur eina færa leiðin fyrir þá sem í slíku lenda að leita til hins opinbera og hafa þeir
embættismenn, sem þetta heyrir undir bæjarfógetar og sýslumenn, þá skipað dómkvadda matsmenn. Þetta var
bæði þunglamaleg leið og kostaði talsverð fjárútlát fyrir þá sem leituðu réttar síns.
Gæðamatsráð var ætlað að aðstoða fólk án þess að það kosti viðkomandi mikla fjármuni og ekki síður að
reyna að ná sáttum í ágreiningsmálum og koma þannig í veg fyrir oft á tíðum löng og kostnaðarsöm málaferli
fyrir dómstólum, stundum alla leið fyrir Hæstarétt Íslands.
Þegar litið er yfir störf Gæðamatsráðs á tuttugu ára afmæli LAFÍ má með sanni segja að það hafi verið unnið
mikilvægt og þarft verk. Á engan er hallað þó sagt sé að mikilvægasta skerfinn til starfsemi Gæðamatsráðs hafi
lagt Egill Skúli Ingibergsson, verkfræðingur sem hefur verið formaður þess frá upphafi og er enn árið 2006.
48