Lagnir 34 - lafi.is

20 ára afmælisrit Lagnafélags Íslands
Á síðasta starfsári voru haldnir fræðslufundir og ráðstefnur:
Fræðslufundur og tæknisýning á Ísafirði
Ráðstefna um fráveitur og sorp í Borgarnesi
Stilling lagnakerfa á Hótel Loftleiðum
Einn fræðslufundur var nokkuð sérstakur en það var kynningafundur um PEM plaströr. Fundurinn var haldinn
að frumkvæði tveggja íslenskra fyrirtækja, Árvíkur hf. og Kóbra-Plasts hf. í samvinnu við hrávöruframleiðandann
Neste í Svíþjóð sem kostaði ráðstefnuna og bauð ráðstefnugestum til hádegisverðar á Hótel Loftleiðum
þar sem ráðstefnan var haldin. Þetta var enn einn liður í því að fá lagna- og tæknimenn hérlendis til að auka
skilning sinn á hinni víðtæku flóru plastefna og hve mjög þau gætu komið að notum við hverskonar lagnir hérlendis.
Fyrsta viðurkenning Lagnafélags Íslands „Lofsvert lagnaverk 1990“ veitt.
Fyrsta lofsverða lagnaverkið hafði verið valið úr tilnefningum. Það var Kringlan 5 (Sjóvá/Almennar).
Þar hlutu viðurkenningar:
Teiknistofan Forsjá hf.
Teiknistofa Ingimundar Sveinssonar hf.
Blikksmiðjan Vík hf.
Hús og Lagnir hf.
Hitastýring hf.
Sjóvá/Almennar hf.
Viðurkenninganefndin fór lofsverðum orðum um öll verkin en var þó einhuga um að mæla með lagna og loftræstikerfi
í Húsi Sjóvá-Almennra trygginga hf. Kringlunni 5 í Reykjavík.
Verkið er mjög vel unnið í alla staði en hæst ber þó að samvinna og einhugur allra aðila um að standa vel að
góðu verki er augljós öllum sem verkið skoða, nær útilokað er að árangur sem þessi náist nema að viðhorf
eigenda verksins séu þau að það borgi sig að vanda til allra verka. Hverjir þekkja þá staðreynd betur en einmitt
þeir sem standa í eldlínu tryggingarmála.Tilgangur með þessari viðurkenningaveitingu á að vera hvatning til
betri verka, bæði þeim sem viðurkenningu hljóta og annara sem að lagnamálum starfa.
44