Lagnir 34 - lafi.is

20 ára afmælisrit Lagnafélags Íslands
Framtíðarsýn í lagnamálum
Þessi merka ráðstefna var samvinnuverkefni margra félaga og stofnana:
• Samorka, sem var frumkvöðull ráðstefnunnar
• Rannsóknarstofnun byggingariðnaðarins
• Iðntæknistofnun Íslands
• Lagnafélag Íslands
• Félag pípulagningameistara
• Félag byggingarfulltrúa
• Félag byggingarefna- og húsmunakaupmanna
• Tæknifræðingafélag Íslands
• Verkfræðingafélag Íslands
Þessi ráðstefna var mjög vel sótt og er ekki úr vegi að gera nánari grein fyrir því sem um var rætt og hverjir
voru frummælendur og fyrirlesarara:
• Vatnstjón á Íslandi, Daníel Hafsteinsson frá Sambandi ísl. tryggingafélaga. Hver er kostnaður við vatnstjón
á Íslandi? Hvernig er skipting eftir landsvæðum? Hvernig er fólk og veitur tryggðar? Hver er skilgreining á
bótasviði? Hvað veldur tjónum? Í hverju felast forvarnir?
• Flokkun hitaveituvatns og ferskvatns eftir efnasamsetningu, Hrefna Kristmannsdóttir og Magnús Ólafsson
frá Orkustofnun Hvernig er skipting eftir landsvæðum? Eftir hverju er hægt að flokka vatn og meta hættu
á tæringu og útfellingum af völdum þess? Hvaða áhrif hefur sýrustig? Er þörf á meðhöndlun vatns (heitu
eða til neyslu) á Íslandi? Hvað eru til ítarlegar upplýsingar um efnasamsetningu á heitu vatni og neysluvatni?
Hvaða upplýsingar vantar til að hægt sé að velja lagnaefni?
• Mismunandi tæringar og tæringarvaldar, Kate Nielsen, Danmarks Tekniske Universitet.
• Ný byggingarreglugerð og lög,Viðar Már Aðalsteinsson byggingarfulltrúi í Reykjanesbæ
• Reglugerð um viðskipti með byggingarvörur og vottun lagnaefnis og vottunarmerkingar. Einar
Þorsteinsson
• Rannsóknarstofnun byggingariðnaðarins
• Sjónarmið lagnaefnissala á vottun, Grétar Leifsson, Félag byggingarefna- og húsmunakaupmanna
• Væntanlegur Evrópustaðall um neysluvatnslagnir EN806-1,2 og 3, Páll Valdimarsson prófessor
• Kostir og gallar mismunandi lagnakerfa, Ásmundur Einarsson efnaverkfræðingur
• Galvaniseruð rör, tæring og tæringavarnir, Sigurður Sigurðsson,Verkfræðistofa VGK
• Plastlagnir og plastefni, Páll Árnason, Iðntæknistofnun Íslands
• Eirlagnir, Ragnheiður Þórarinsdóttir, Iðntæknistofnun Íslands
• Nýir kostir í lagnaefni, Ragnar Gunnarsson,Verkvangur ehf.
• Lagnakerfi í dreifikerfi hitaveitna og vatnsveitna, Örn Jensson, Hitaveita Reykjavíkur og Páll Kristjánsson,
Vatnsveita Reykjavíkur
• Samvinna í lagnamálum, Guðmundur Þóroddsson,Vatnsveita Reykjavíkur
Á annað hundrað gestir komu á ráðstefnuna sem stóð frá hádegi á fimmtudegi og allan föstudag. Þótti það
merkilegt að svo margir gestir skyldu koma, merkilegt að lagnamenn væru tilbúnir að „fórna“ svo miklum tíma
til að víkka sinn sjóndeildarhring og afla sé víðtækari þekkingar.
Að lokum störfuðu fjórir umræðuhópar sem skiluðu áliti í lokin.
Aðalfundur 1999
Að þessu sinni var farið út fyrir Reykjavík og fundurinn haldinn á Akranesi í boði Akranesveita. Eftir að Þórður
Ólafur Búason formaður LAFÍ hafði sett fund með ávarpi og skipað Valdimar K. Jónsson fundarstjóra og
Guðmund Hjálmarsson fundarritara bauð Magnús Oddsson veitustjóri Akranesveita fundarmenn velkomna
Hann lýsti skipulagi Akranesveitna en þá var tiltölulega nýbúið að endurskipuleggja þær í eina stofnun með
einni stjórn. Í Akranesveitu eru hitaveita, vatnsveita, rafveitan, fráveita og áhaldahús.
Kristján Ottósson flutti yfirgripsmikla skýrslu um starfið á liðnu starfsári sem hafði verið mjög öflugt. Nokkuð
var honum þó þungt í skapi til þeirra Sigurðar Grétars Guðmundssonar og Sæbjörns Kristjánsson vegna gagnrýni
þeirra á efnistök í Fréttablaði LAFÍ en í næsta útgáfu frá maí 1999 birtir Kristján sérstaka grein vegna þessa
auk þess að sama efni kemur fram í skýrslu hans á aðalfundi og segir meðal annrs „Ágætu siðapostular, Fréttabréf
Lagnafélags Ísland er ekki bara fyrir sérmenntaða lagnamenn. Það er fyrir alla landsmenn til fróðleiks, til að
svo megi verða, verður að vera skært, mjúkt og sætt fyrir augað og sálina.
Ef menn vilja tryggja fyrirfram að Fréttabréfið fari ólesið beint í ruslakörfuna skulu þeir nota glanspappír,
skorpnuð og þurrkuntuleg skrif sem enginn lítur við, enginn skilur og enginn nennir að lesa, líkt og almennt
þekkist í skrifum tæknimanna“.
75