Lagnir 34 - lafi.is

20 ára afmælisrit Lagnafélags Íslands
Stofnfundur Lagnafélags Íslands, haldinn laugardaginn
4. okt. 1986 í ráðstefnusal Hótels Loftleiða.
Formaður undirbúningsnefndar, Kristján Ottósson, setti fundin kl. 13:42 og voru þá 70 fundarmenn mættir.
Hann stakk upp á Ragnari Halldórssyni forstóra ÍSALS til að gegna fundarstjórn og þar sem ekki komu fram
aðrar uppástungur var hann sjálfkjörinn. Fundarritarar voru kjörnir Hilmar Sigurðsson og Einar Þorsteinsson.
Fundarstjóri kynnti fulltrúa Iðnaðarráðuneytisins, Pál Líndal deildarstjóra og tók hann til máls. Páll Líndal flutti
árnaðaróskir iðnaðarráðherra,Alberts Guðmundssonar sem hafði ætlað að mæta á fundinn, en gat það ekki
vegna þátttöku í orkumálaráðstefnu í Cannes í Frakklandi. Páll minnist á þau atriði sem honum fundust merkilegust
í frumvarpi að lögum félagsins. Hann gat þess að hann hefði komið nálægt lagnamálum fyrir mörgum
árum, þegar hann ritstýrði útgáfu reglugerðar um hitalagnir. Ræðumaður minnti á að Snorralaug væru núna u.
þ. b. 750 ára og líklega elsta lagnamannvirki á Íslandi. Páll lauk máli sínu með því að óska félaginu velfarnaðar á
ókomnum árum og flutti jafnframt ósk iðnaðarráðuneytisins um gott samstarf við hið nýja félag.
Undirbúningur að stofnun félagsins.
Næstur tók til máls Kristján Ottósson og gerði hann grein fyrir helstu þáttum undirbúningsvinnunnar. Fyrsta tilraun
til að stofna félagið hófst haustið 1979. Þar voru mættir fundarboðendur þeir Þráinn Karlsson, Gunnar
Kristinsson, Sigurður P. Kristjánsson og Hörður Jónsson og auk þeirra Jónas Valdimarsson, Sigurður Pálsson,
Sveinn A. Sæmundsson, Einar Þorsteinsson og Kristján Ottósson. Eftir þetta unnu þessir menn að stofnun félagsins
og boðuðu næst til fundar 22. febrúar 1980. Þar mættu 29 menn og voru haldin fjögur fræðsluerindi. Frummælendur
voru Jón Þórðarson, Hörður Jónsson, Jónas Valdimarsson og Kristján Ottósson. Fundarstjóri var
Sveinn A. Sæmundsson.
Eftir þennan fund kom undirbúningsnefnd aldrei saman og þokaðist málið því ekkert áleiðis fyrr en vori ð
1986, en þá boðaði Kristján Ottósson til kynningarfundar, sem var haldinn í Iðnskólanum í Reykjavík þ. 15.
maí. Þar mættu 19 menn og voru 7 þeirra kosnir í undirbúningsnefnd en þeir voru:
Kristján Ingimundarson, blikksmíðameistari
Guðmundur Halldórsson, verkfræðingur
Einar Þorsteinsson, tæknifræðingur
Guðni Jóhannesson, verkfræðingur
Hilmar Sigurðsson, verkfræðingur
Jónas Valdimarsson, pípulagningameistari
Friðrik S. Kristinsson, tæknifræðingur
og Kristján Ottósson, sem var valinn til að stýra nefndinni.
Margir fundir voru haldnir og voru unnin drög að lögum félagsins og fræðslufundur undirbúinn.
Kristján þakkaði nefndarmönnum fyrir ánægjulegt samstarf og fundarmönnum fyrir að mæta og sýna þar með
áhuga á stofnun Lagnafélags Íslands. Hann lauk máli sínu með eftirfarandi orðum:
„Góðir félagsmenn. S ý num í verki að við virðum menntun hvers annars. S ý num í verki hugarfar, samstarf og
miðlun þekkingar. Þannig náum við best fram þeim tilgangi og markmiðum, sem sett eru fram í drögum að
lögum fyrir Lagnafélag íslands.
Lög félagsins. Kristján Ottósson las upp og gerði grein fyrir frumvarpi að lögum félagsins og því næst var orðið
gefið frjálst.Til máls tóku Þórir Hilmarsson, Bjarni Guðbrandsson, og Sigurður Grétar Guðmundsson. Frumvarpið
var samþykkt með tveimur breytingum sem felast í lengri fyrirvörum í greinum 10. og 12.
Stjórnarkjör
Friðrik S. Kristinsson las upp tillögu undirbúningsnefndar um menn í stjórn.
Ekki komu fram aðrar tillögur og voru því allir þeir sem tilnefndir voru, sjálfkjörnir.
Kosningu hlutu:
Kristján Ottósson formaður
Rafn Jensson
Einar Þorsteinsson
Sæbjörn Kristjánsson
Jón Sigurjónsson
Jónas Valdimarsson
Guðmundur Halldórsson.
Endurskoðendur voru kosnir Egill Skúli Ingibegsson, Gunnar Sigurðsson og Jóhannes Zoega til vara.
22