Lagnir 34 - lafi.is

More documents

Recommendations

Info

20 ára afmælisrit Lagnafélags Íslands Ákvörðun um Cold Climate Þeir Kristján Ottósson og Jón Sigurjónsson verkfræðingur sóttu fyrstu Cold Climate ráðstefnuna sem haldin var í Rovaniemi í Finnlandi. Þangað fóru þeir með þá ákvörðun stjórnar LAFÍ að halda slíka ráðstefnu á Íslandi árið 1997. Höfðu þeir látið útbúa bæklinga hér heima til að kynna þá ráðstefnu og dreifðu þeim upplýsingum til þátttakenda í Rovaniemi. Hér hafði stjórn LAFÍ tekið mikilvæga ákvörðun; að halda alþjóðlega lagnaráðstefnu á Íslandi og eftir að þetta hafði verið kynnt varð ekki aftur snúið. Aðalfundur 1994 Á aðalfundinum voru afhentar viðurkenningar fyrir lofsvert lagnaverk. Þau hlutu fyrir lagnir í hús Fasta hf, McDonlds: • Verkfræðistofa Guðmundar og Kristjáns • Hitatækni • Alkul • A. Karlsson • Sverrir Sigurðsson hf. • Blikksmiðjan Höfði og Festi hf. Fyrsti heiðursfélaginn Eftir átta ára starf fannst stjórn LAFÍ kominn tími til kjörs fyrsta heiðursfélagans. Kjörinn var Jóhannes Zoëga fyrrv. hitaveitustjóri í Reykjavík og var mikill einhugur um það kjör, töldu allir að Jóhannes væri vel að þessum heiðri kominn. Jóhannes hafði staðið fyrir mestu hitaveituvæðingu á Íslandi fram til þessa. Um miðja öldina var lögð hitaveita í Reykjavík innan Hringbrautar en síðan stöðvaðist öll frekari hitaveitulögn í höfuðstaðnum. Þráðurinn er svo tekinn upp aftur og þar voru tveir menn óumdeildir forgöngumenn, borgarstjórinn Geir Hallgrímsson og hitaveitustjórinn Jóhannes Zoëga. Framtak þessara tveggja manna á lagnasviði er svo merkilegt að um þátt þeirra og baráttu verður vonandi ritað ítarlegt mál seinna, þeirra saga um frumkvæði má ekki glatast. Jóhannes Zoëga fyrrverandi hitaveitustjóri í Reykjavík (til vinstri) var gerður að fyrsta heiðursfélaga Lagnafélags Íslands 1994. Hér er Kristján Ottósson, framkvæmdastjóri félagsins að afhenda honum heiðursskjöls af því tilefni. 57
20 ára afmælisrit Lagnafélags Íslands Ávarp Kristjáns Ottóssonar, framkvæmdastjóra við afhendingu á heiðursskildi til fyrsta heiðursfélaga Lagnafélags Íslands. Það er mér mikill heiður að fá tækifæri til að ávarpa hér sjálfan lagnahöfðingjann Jóhannes Zoëga. Hann er fæddur á Norðfirði 14. ágúst 1917. Jóhannes er stúdent frá MR 1936, þýskmenntaður verkfræðingur frá TH í Berlín og starfaði sem verkfræðingur í Munchen í Þýskalandi frá 1941 til 1945. Eftir heimkomuna hóf hann störf hjá Vélsmiðjunni Hamri hf. 1945 og starfaði þar til 1951. Forstjóri Landsmiðjunnar var hann frá 1952 til 1962. En það var 1962 sem hann tók við stöðu hitaveitustjóra í Reykjavík og gengdi því starfi til 30. nóvember 1987. Jóhannes hefur starfað að hitaveitumálum um land allt. Jóhannes hefur reist sér minnisvarða með starfi sínu að hitaveitumálum. Það væri of langt mál hér að telja upp, öll þau störf sem Jóhannes hefur unnið. Hann hefur unnið mikið og gott starf fyrir Lagnafélag Íslands, hann var kosinn endurskoðandi félagsins og gengdi því starfi í 6 ár. Jóhannes er einn þeirra manna sem gott er að leita til, og er ávallt tilbúinn að hjálpa og veita tilsögn af sínum þekkingarbrunni, það hefur komið Lagnafélaginu að góðu gagni. Þegar upp kom sú hugmynd að stofna Viðurkenningarnefnd félagsins til að veita viðurkenningu lofsverðu lagnaverki var félaginu vandi á höndum því menn voru ekki í startholunum til að taka á sig þá ábyrgð sem því fylgir. Jóhannes Zoëga hafði kjark og þor til að brjóta ísinn og draga fram það jákvæða sem í hugviti og handverki býr í lagnamönnum og hafi hann mikla þökk fyrir. Jóhannes er þekktur fyrir góðan frágang á verkum sínum og er mér minnisstæð setning sem hann sagði í viðtali sem ég átti við hann og birtist í Fréttablaði félagsins. Þar spurði ég hann um ástand á frágangi lagnakerfa. Hann svaraði:Aðalatriðið við hönnunina er að fara alltaf einföldustu leiðina til að láta kerfið vinna eins og það á að gera og til er ætlast. Kerfi sem búið er að leggja og er fyrsta flokks í frágangi en er ekki stillt er hrákasmíð. Seinasta stillingin er hlutu af smíðinni og í raun punkturinn yfir i-ið sem ekki má vanta. Kristján afhenti Jóhannesi Zoëga fyrsta heiðursfélaga félagsins, heiðurskjöld Lagnafélags Íslands ásamt gullmerki félagsins og óskaði honum heilla. Betur má ef duga skal Þrátt fyrir að margt hafi áunnist á liðnu starfsári eru ekki allir fundarmenn ánægðir með árangurinn. Egill Skúli Ingibergsson sagði að engum málum hefði verið vísað til Gæðamatsráð og starfsemi þess í lágmarki. Í sjálfu sér þarf ekki endilega að síta það því það kann að vera að lítið sé um ágreiningsefni meðal lagnamanna og viðskiptavina. Ólafur Árnason verkfræðingur og formaður Fagráð pípulagna sagði áhuga pípulagningamann á starfi ráðsins lítinn og störf ráðsins í lágmarki. Sæbjörn Kristjánsson formaður Fagráðs loftræsikerfa tók í sama streng og Ólafur, bætti um betur og sagði að honum finndist LAFÍ vera orðið að nefndarbákni sem skilaði litlum sem engum árangri í stað þess að snúa sér að smærri afmörkuðum verkefnum og klára þau, með öðrum orðum „burt með báknið“. Stjórnarkjör Á aðalfundinum var kjörinn nýr formaður, Grétar Leifsson verkfræðingur hjá Ísleifi Jónssyni hf. Aðrir í stjórn: Guðmundur Þóroddsson vatnsveitustjóri Ragnar kristinsson tæknifræðingur Kristján Níelsson rafvirki Freygarður Þorsteinsson verkfræðingur Erlendur Hjálmarsson byggingarfulltrúi Sigurður Guðjónsson pípulagningameistari. 58
Page 1 and 2:
1. TBL. 20. ÁRGANGUR OKTÓBER 2006
Page 4 and 5:
20 ára afmælisrit Lagnafélags Í
Page 6 and 7:
20 ára afmælisrit Lagnafélags Í
Page 8:
Formáli Aðdragandi að stofnun La
Page 12 and 13: Afmæliskveðja frá Verkfræðinga
Page 14 and 15: 20 ára afmælisrit Lagnafélags Í
Page 20: 20 ára afmælisrit Lagnafélags Í
Page 37 and 38: Ásmundur Einarsson svarðaði: „
Page 55 and 56: Merkilegt starfsár og nýmæli Enn
Page 67 and 68: Aðalfundur og afmælishátíð 199
Page 87 and 88: Egill Skúli Ingibergsson með Hei
Page 101 and 102: Roth er einfalt og fljótlegt í la
show all

Lagnir 34 - lafi.is

You also want an ePaper? Increase the reach of your titles

Delete template?

Save as template?