Lagnir 34 - lafi.is

20 ára afmælisrit Lagnafélags Íslands
En ýmislegt annað bar á góma hjá stjórn og ráðum LAFÍ þetta starfsár auk þessa
mikla máls sem að sjálfsögðu hafði allan forgang.
Brunavarnir voru mikið í umræðunni og voru það aðallega tveir brunar sem
voru kveikjan að henni, í báðum tilfellum kviknuðu eldar í útloftunarstokkum
frá eldhúsum. Annar bruninn varð í Kringlunni, hinni í veitingahúsinu Carpe
Diem í Hótel Lind við Rauðarárstíg í Reykjavík. Þessir brunar urðu til þess að
flestir, bæði í stjórn LAFÍ sem og byggingaryfirvöld, sáu að herða þyrfti eftirlit
með slíkum stöðum, ekki síst að tryggja að loftræsistokkar frá eldstæðum væru
hreinsaðir reglulega.
Byggingareglugerðin var einnig á dagskrá og þeir agnúar sem fram höfðu komið
á henni varðandi kröfu um vottun lagnaefna, kröfu sem síðan var ekki tryggt að
hægt væri að uppfylla. Þarna var við það opinbera að eiga og var æði þungt í
Einar Þorsteinsson
vöfum.
Starfandi hafði verið Kælitæknifélag á Íslandi en starf þess gekk ekki sem skyldi.
Var á þessu ári ákveðið að leggja það niður og að LAFÍ sinnti kælitækni hér
eftir og stofnaði þess vegna sérstakt kælitækniráð í sömu mynd og þau ráð sem starfað hafa innan félagsins.
Unnið var stefnufast að því að semja Handbók lagnakerfa sem vera skyldi fyrirmynd hönnuða og lagnameistara
við frágang hverskonar lagnakerfa.
Námskeið og góðar gjafir
Varla var búið að opna Lagnakerfamiðstöðina þegar fyrstu námskeiðin voru haldin í stöðinni. Það voru vélstjórar
sem riðu á vaðið en fljótlega voru haldin námskeið fyrir pípulagningamenn og blikksmiði.
Lagnakerfamiðstöðin var byggð með stuðningi fjölmargra aðila eins og fram hefur komið hér að framan.
En ekki var minna virði að fá að gjöf kennslutæki og kennslukerfi. Danfoss á Íslandi gaf tengigrind sem er fyrst
og fremst til að pípulagningamenn, sem námskeið sækja í stöðinni, geti æft sig í stillingum ofna-, gólfhita-, og
snjóbræðslukerfa. Þetta þjálfunarkerfi var hannað af Sveini Áka Sverrissyni tæknifræðingi hjá VSB verkfræðistofu
í Hafnarfirði en veg og vanda af gerð þess að öðru leyti hafði Steinar Gíslason hjá Danfoss.
Aðalafundur árið 2002 .
Störf fundarins voru með hefðbundnu sniði og kjörin var ný stjórn en hana skipa:
• Guðmundur Hjálmarsson byggingatæknifræðingur, formaður
• Jóhannes Einarsson skólameistari, varaformaður
• Hjálmar Jónsson tæknifræðingur, gjaldkeri
• Sonja Richter vélaverkfræðingur, ritari
• Gðmundur Guðlaugsson véltæknifræðingur
• Hilmar Sigurðsson verkfræðingur
• Þórir Guðmundsson byggingarverkfræðingur
Á þessum aðalfundi bar það til tíðinda að Egill Skúli Ingibergsson rafmagnsverkfræðingur var kjörinn heiðursfélagi
Lagnafélags Íslands.
Heiðursfélagi
Kristján Ottósson framkvæmdastjóri Lagnafélags Íslands flutti ávarp á aðalfundi 2002 við afhendingu á
heiðursskildi og Gullmerki félagsins til Egils Skúla Ingibergssonar.
Það er mér mikill heiður að fá tækifæri til að ávarpa þennan aðalfund í tilefni þess að nú verður afhent í
þriðja sinn viðurkenning til heiðursfélaga Lagnafélags Íslands. Það er til fyrrverandi borgarstjóra í Reykjavík
Egils Skúla Ingibergssonar.
Hann er fæddur þann 23. mars 1926 í Vestmannaeyjum, í stærstu verstöð landsins þar hafa menn ávallt kunnað
að taka til hendinni. Egill útskrifaðist sem stúdent frá Verslunarskóla Íslands 1948 og stærðfræðideild MR frá
1949. Fyrri hluta verkfræði frá Háskóla Íslands 1951 og próf í rafmagnsverkfræði frá DTH í Kaupmannahöfn
1954.
Egill starfaði sem verkfræðingur hjá raforkumálastofnun 1954 til 1958. Rafveitustjóri Rafmagnsveitna ríkisins á
vestfjörðum 1958 til 1963, hjá raforkumálastjóra 1964 til 1965.Verkfræðingur hjá Rafteikningu hf. 1965 til 1967
og 1972 til 1973 og 1976 til 1979 og alla tíð frá 1983 þar til hann hætti störfum 2001 vegna aldurs.
Yfirverkfræðingur framkvæmdadeildar rafmagnsveitna ríkisins 1967 til 1969. Deildarverkfræðingur hjá
Landsvirkjun við Búrfellsvirkjun 1 1969, staðarverkfræðingur við Búrfellsvirkjun 11 1970 til 1972 og
Sigölduvirkjun 1973 til 1976. Borgarstjóri í Reykjavík 1978 til 1982.Verkfræðingur hjá Kísilgúrverksmiðjunni
83