Əlamətdar və tarixi günlər təqvimi: 2008-cı il - Azərbaycan Milli ...

HÖKÜMƏ QURBANOVA – 95
Iyun
11.06.1913-
Xalq artisti 02.12.1988
Milli səhnəmizin misilsiz
faciə aktrisası Hökümə Abbasəli
qızı Qurbanova 1913-cü il iyun
ayının 11-də Bakıda ziyalı ailəsində
doğulmuşdur.
Hökümə xanım 1931-ci
ildə Bakı Pedaqoji Texnikumunu
bitirmişdir. Elə həmin il Azərbaycan
Dövlət Konservatoriyasına
daxil olmuş, iki il fortepiano
sinifində təhsil almışdır. Konservatoriyada
təhsil alarkən dramaturq
və teatr xadimi C.Cabbarlının
təkidi və təşəbbüsü ilə «Almaz»
filmində Yaxşı roluna çəkilmişdir.
Milli Dram Teatrının tamaşalarında
əvvəllər ara-sıra çıxış
edən Hökümə Qurbanova 1938-ci
ildən ömrünün sonunadək bu
kollektivin əvəzolunmaz aktrisası
kimi şöhrətlənmişdir. Hökümə
xanımın xırda-para epizodik rollarını
nəzərə almasaq, o, 1940-cı
illərdən əsas rolların ifaçısına
çevrilmişdir.
Teatr tariximizdə Hökümə
Qurbanova kimi gözəl və
məlahətli səs variasiyaları ilə oynaya
bilən ikinci qadın sənətkar
olmamışdır. Aktrisa lazım gələndə
səhnədə dəqiqələrlə mərmər
abidə kimi donub qala bilirdi. Onun
mənalı, zərif və cazibəli plastikası
vardı. Hökümə Qurbanovanın
çöhrəsində Cakondanın sirli
təbəssümü özünə əbədi məskən
tapmışdı. Aktrisa o təbəssümün
sehrindən və hüsnündən dramatik
rollarda məharətlə istifadə edirdi.
Janr-üslub və oyun-forma baxımından
Hökümə Qurbanovanın
yaradıcılığını bir sıra bölgülərə
ayırmaq olar.
Hökümə xanımın Hüseyn
Cavidin «Şeyx Sənan» dramında
Xumar, Fridrix Şillerin «Orlian
qızı» əsərində Janna Dark, C.Cabbarlının
«Od gəlini» pyesində
Solmaz kimi oynadığı mürəkkəb
obrazların səhnə təvsiri faciə bölümünə
aiddir. O, səhnə fəaliyyətinin
ən gur çağlarında S.S.
Axundovun «Eşq və intiqam»ında
Zöhrə, Nəcəf bəy Vəzirovun
«Müsibəti-Fəxrəddin» əsərində
Gülbahar, Nazim Hikmətin «Məhəbbət
əfsanəsi»ndə Məhmənə
banu, Səməd Vurğunun «Vaqif»
tamaşasında Tamara, Süleyman