Əlamətdar və tarixi günlər təqvimi: 2008-cı il - Azərbaycan Milli ...

espublikanın təbii sərvətlərinin
əsas mənbəyidir. Onun insanların
fədakar əməyini, müasirlərimizin
mənəviyyatını tərənnüm edən
«Arzu», (1938) «Dəniz cəsurları
sevir» (1950), «Sən niyə yaşayırsan»
(1959), «Insan məskən
salır» (1965), «Ömrümüz çox
qısadır» (1973) pyesləri Azərbaycan
səhnəsində, Moskvada,
ölkənin bir çox teatrlarında tamaşaya
qoyulmuşdur.
Dramaturq Həsən Seyidbəyli
ilə birlikdə yazıçı Imran
Qasımov Sovet Ittifaqı Qəhrəmanı
Mehdi Hüseynzadənin
Böyük Vətən müharibəsi illərində
göstərdiyi qəhrəmanlıqlardan bəhs
edən «Uzaq sahillərdə» (1953)
əsəri onların hamısına, həm
müəlliflərə, həm də baş
qəhrəmana ümumdünya şöhrəti
qazandırmışdır. Azərbaycan fəhlə
sinfinin üç nəsli haqqında
yazılmış (1955) «Illər keçir»
romanı da oxucuların rəğbətini
qazanmışdır.
Tanınmış müəllif Avropa
ölkələrinə səfərlərdən sonra
1970-ci ildə «Fransız qobeleni»
və 1972-ci ildə «Italiya mozaikası»
sənədli povestlərini,
Fransa Müqavimət hərəkatından
bəhs edən «Ceyran» (1975) bədii
povestini nəşr etdirmişdir.
Imran Qasımov 1945-
1947-ci illərdə Azərbaycan SSR
Kinematoqrafiya Nazirinin müavini
vəzifəsində işləmişdir. 1953-
1955-ci illərdə «Literaturnıy
Azerbaydjan» jurnalının baş redaktoru
olmuşdur. O, 1960-cı ildə
Azərbaycan SSR Incəsənət
Xadimi adına layiq görülmüşdür.
1961-1975-ci illərdə Azərbaycan
Yazıçılar Ittifaqı Idarə Heyətinin
katibi vəzifəsində çalışmışdır.
1975-ci ildə Azərbaycan Yazıçılar
Ittifaqı Idarə Heyətinin birinci
katibi vəzifəsinə seçilmişdir. O,
1976-cı ildə SSRI Yazıçılar
Ittifaqı Idarə Heyətinin katibi
vəzifəsinə seçilmişdir.
Imran Qasımov 1981- ci il
aprel ayının 20-də Bakıda vəfat
etmiş və Fəxri Xiyabanda dəfn
olunmuşdur. Bakıdakı küçələrdən
biri onun adını daşıyır.
ƏSƏRLƏRI
Seçilmiş əsərləri.-2 C-də.- B.:
Azərnəşr,1988.
C. 1.-B.,1988.- 205 s.
C. 2.-B.,1988.- 267 s.
Fransız qobeleni.- B.: Azərnəşr,
1970.- 145 s.
Illər keçir.- B.: Gənclik, 1969.-
211 s.
* * *
Italiya mozaikası.-B.: Gənclik,
1972.- 164 s.
Uzaq sahillərdə.- B.: Gənclik,
1974.- 310 s.