Əlamətdar və tarixi günlər təqvimi: 2008-cı il - Azərbaycan Milli ...

ƏNVƏR MƏMMƏDXANLI-95
Fevral
Xalq yazıçısı 29.02.1913-
19.12.1990
Azərbaycan Xalq yazıçısı,
Əməkdar incəsənət xadimi, kinodramaturq
və tərcüməçi, nasir
Ənvər Məmmədxanlı 1913-cü il
fevral ayının 29-da Göyçay şəhərində
anadan olmuşdur. Burada
ibtidai məktəbi bitirdikdən sonra
Bakıda N.Nərimanov adına Sənaye
Texnikumunda təhsil almışdır.
Sonra Bakıda texniki zavodda,
energetika və elektrikləşdirmə
idarəsində texnik,
Azərbaycan Neft Institutu nəzdində
olan Elmi-tədqiqat Institutunda
texnik-elektrik işləmişdir.
1934-1935-ci illərdə Azərbaycan
Neft Institutunda iki il qiyabi
təhsil almışdır.
1938-ci ildə Ümumittifaq
Dövlət Kinematoqrafiya Institutunu
bitirmişdir.
1944-1946-cı illərdə Təbrizdə
nəşr olunan «Vətən yolunda»
ordu qəzeti redaksiyasında
xüsusi müxbir işləmişdir. 1946-
1964-cü illərdə «Azərbaycanfilm»
kinostudiyasının baş
redaktoru olmuşdur. Ədəbi fəaliyyətə
1930-cu illərdən başlamışdır.
Əsərləri keçmiş SSRI və
xarici ölkə xalqlarının dillərinə
tərcümə olunmuşdur.
Ilk iri həcmli əsəri Bakı
neftçilərinin həyatına həsr olunmuş
«Burulğan» (1934) povestidir.
Məmmədxanlının hekayələri
Azərbaycan ədəbiyyatında lirik-romantik
nəsrin inkişafında
mühüm rol oynamışdır.
40 ildən artıqdır ki, dərslik
və müntəxabatlara düşən «Buz
heykəl», eləcə də «Sevinc»,
«Anamın ölümü» hekayələri,
«Bəxtiyar» kino-novellası, digər
hekayə, oçerk və yol qeydləri
1941-1945-ci illər müharibə dövrünün
Ə.Məmmədxanlı yaradıcılığındakı
özünəməxsus xüsusiyyətidir.
Məmmədxanlının «Od
içində» pyesi, «Şirvan gözəli»
komediyası Aşqabad, Tula, Ufa,
Kazan şəhərlərində tamaşaya qoyulmuşdur.
1957-ci ildə yazdığı «Şirvan
gözəli» lirik komediyasında
ehkamçı alimlər tənqid olunur.
Komediya Zaqafqaziya Teatr
baharında 1-ci dərəcəli Diploma
layiq görülmüşdür.