Əlamətdar və tarixi günlər təqvimi: 2008-cı il - Azərbaycan Milli ...

NOVRUZ BAYRAMI
Mart
20-21.03
Azərbaycan xalqının uzaq
keçmişdən bu günədək sevə-sevə
qeyd etdiyi bayramlardan biri
Novruz bayramıdır.
Çox qədim zamanlardan
başlayaraq dünya xalqlarının bir
çoxu yazın gəlişini, təbiətin
oyanışını, əkin işlərinin başlanmasını
bahar bayramı kimi qeyd
etmişlər. Bu münasibətlə şənliklər
keçirmiş, onu yeni ilin
başlanğıcı kimi qarşılamışlar. Bu
bayram Novruz adlandırılmışdır.
Novruz bayramı martın 21-də və
ya 22-də keçirilir. Bu isə yazın
gecə-gündüz bərabərliyinə təsadüf
edir.
Novruz bayramı birlik,
qardaşlıq bayramı, xalq şənliyidir.
Odur ki, Novruz şənlikləri təzə
ilin başlanmasına, yəni martın 21-
nə dörd həftə qalmış keçirilməyə
başlayır. Bu aya Boz ay deyirlər.
Dövrlərdən bəri xalqımız
Novruzu yeni ilin başlanğıcı hesab
etmiş, onu bolluq, bərəkət və
firavanlığın əzəli kimi rəmzi -
ləşdirmişdir.
Novruz inanclarının əsasında
insana, təbiətə həyat verən
dörd ünsürün-Suyun, Odun, Yelin
(havanın), Torpağın isinməsi,
«dirilməsi» ilə əlaqələndirilmiş və
beləliklə, insanların təsəvvüründə
ilaxır çərşənbələr yaranmışdır.
Inanmalara görə bu çərşənbələrin
hər birində təbiətin
dörd ünsüründən biri «dirilmişdir».
Ilin Novruzdan əvvəlki
dörd axır çərşənbəsi müqəddəs
sayılır. Bunlar Su çərşənbəsi, Od
çərşənbəsi, Yel çərşənbəsi və
Torpaq çərşənbəsi adlanır. Bu
çərşənbələrdə də xalqımızın adətənənələri
yaşayır.
Su çərşənbəsi - bu çərşənbəyə
«Əzəl çərşənbə», «Sular
Novruzu» da deyirlər. Su çərşənbəsində
su və su mənbələri təzələnir,
arxlar qaydaya salınır, su
hövzələrində abadlıq işləri görülür,
su ilə bağlı müxtəlif şənliklər
keçirilir.
Su çərşənbəsi günü «təzə
su» dan keçənlər, azarını- bezarını
ona verənlər il boyu xəstəlikdən