Əlamətdar və tarixi günlər təqvimi: 2008-cı il - Azərbaycan Milli ...

TOLSTOY LEV NİKOLAYEVİÇ -180
Avqust
28.08.1828-
Yazıçı 22.11.1910
Rus xalqı dünya
mədəniyyətinə bir çox görkəmli
sənətkarlar vermişdir. İstər rus
ədəbiyyatının özündə və istərsə də
dünya ədəbiyyatında bədii
təfəkkürün ən yüksək nümunələrindən,
ədəbiyyatın tərbiyəvi
təsir qüvvəsindən, həyatı düzgün
və dolğun əks etdirməsindən və
nəhayət, bədii sözün valehedici
gözəlliyindən söhbət düşəndə
həmişə bir nadir dühanın, misilsiz
sənətkarın adı xüsusi hörmət və
ehtiramla çəkilir ki, o da 2008-ci
ildə anadan olmasının 180-illiyini
qeyd edəcəyimiz Lev Nikolayeviç
Tolstoydur.
L.Tolstoy 1828-ci il avqust
ayının 28-də (yeni stillə sentyabrın
9-da) Tula şəhərinin 15
kilometrliyindəki məşhur Yasnaya
Polyana malikanəsində anadan
olmuşdur. Valideynlərinin vəfatından
sonra o, Kazana köçmüşdür.
1844-cü ildə Kazan
universitetinin Fəlsəfə fakültəsinin
Şərq şöbəsinə daxil olmuşdur. Az
sonra L.Tolstoy təhsilini yarımçıq
qoyaraq, Qafqaza getmişdir. 1857-
ci ildə hərbi qulluğa girən Tolstoy
iki il yarım, 1855-ci ilin payızına
qədər orduda xidmət etmişdir.
Tolstoyun ilk hekayə və
povestlərinin bir qismi Qafqaz
həyatı ilə bağlıdır. Sonralar
yazdığı məşhur “Kazaklar” və
“Hacı Murad” povestlərinin və
başqa əsərlərinin materiallarını da
Tolstoy Qafqazda toplamışdır.
1854-cü ildə Tolstoy hərbi
qulluq zamanı Sevastopola,
döyüşən orduya dəyişilir. Hərbi
qulluq zamanı o, rus, bəlkə də
dünya ədəbiyyatında müharibə
səhnələrini düzgün, real təsvir
edən özünün gözəl “Sevastopol
hekayələri” ni yazır.
Artıq 1855-ci ildə
L.Tolstoy tanınmış bir yazıçı kimi
Sevastopoldan Peterburqa
qayıdaraq “Ailə xoşbəxtliyi”
əsərini çap etdirir.
O, 1862- ci ildə “Yasnaya
Polyana” adlı pedaqoji jurnal
buraxmağa müvəffəq olur. 1863-
1869 -cu illərdə “Hərb və sülh”
romanı üzərində işləmişdir.