Əlamətdar və tarixi günlər təqvimi: 2008-cı il - Azərbaycan Milli ...

KƏLƏNTƏR KƏLƏNTƏRLİ – 75
Şair
Mart
20.03.1933
Artıq çoxdandır ki,
Kələntər Şıxkərim oğlu Kələntərli
Azərbaycanda və onun hüdudlarında
şair, publisist, dramaturq
kimi tanınmışdır. O, 1933-cü ildə
mart ayının 20-də Qusar
rayonunun Sudur kəndində kolxozçu
ailəsində anadan olmuşdur.
Atasını erkən yaşlarından itirən
K.Kələntərli burada orta məktəbin
7-ci sinfini bitirdikdən sonra 5 il
kolxozda işləmişdir. Sonra o,
1950-1954-cü illərdə Quba Pedaqoji
Texnikumunda təhsil almağa
başlamışdır. Dünya şöhrətli
Azərbaycan şairi Səməd Vurğunla
məhz bu illərdə tanış olmuşdur.
1954-1958-ci illərdə Azərbaycan
Pedaqoji İnstitutunun Ədəbiyyat
fakültəsində təhsil almışdır. Lakin
ağır, çətin ailə vəziyyətinə görə ali
təhsili başa vura bilməmiş və
dördüncü kursdan çıxıb işləməyə
məcbur olmuşdur. 1959-cu ildə
Azərbaycan Elmlər Akademiyasının
Kitabxanasında şöbə müdiri,
1960-cı ildə “Mübariz
keşikdə” qəzetində şöbə müdiri,
1961-1962-ci illərdə “Azərbaycan
gəncləri” qəzeti redaksiyasında
ədəbi işçi vəzifəsində işləmişdir.
K.Kələntərli 1962-ci ildən Azərbaycan
Yazıçılar Birliyinin üzvüdür.
1963-1964-cü illərdə Natəvan
klubunun direktoru olmuşdur.
1966-1968-ci illərdə Azərbaycan
Dövlət Nəşriyyatında Incəsənət
şöbəsinin redaktoru, 1984-1986-cı
illərdə “Qızıl Şərq” mətbəəsində
korrektor, 1990-1992-ci illərdə
“Amal” qəzetində şöbə müdiri işləmişdir.
K. Kələntərli 1959-cu ildən
1966-cı ilin axırına kimi,
“Azərbaycan gəncləri” qəzetinin
Sabir adına Kitabxanada təşkil
etdiyi “Ədəbi məclisin” rəhbəri
olub. İndi respublikamızda həm
şair, həm yazıçı, həm də filoloq
kimi məşhurlaşmış onlarla adam –
o cümlədən, F. Kərimzadə, S.
Məmmədzadə, Ə. Hacızadə, İ.
Məlikzadə, F. Qoca, M. Süleymanlı,
F. Sadıq, S. Rüstəmxanlı, İ.
İsmayılzadə, Ə. Salahzadə, T.
Abdin, Q. Köçərli, S. Sərxan, R.
Rövşən və başqaları həmin ədəbi
məclisin yetirmələri hesab olunur.
Onların yetişməsində, mətbuatda
çıxış etmələrində şairin böyük
xidməti var. K. Kələntərli həmin
illərdə ədəbiyyatın ən yaxşı
təbliğatçısı hesab olunurdu. Sonra