Əlamətdar və tarixi günlər təqvimi: 2008-cı il - Azərbaycan Milli ...

FIRƏNGIZ ƏHMƏDOVA - 80
Müğənni
Sentyabr
23.09.1928
Məşhur opera müğənnisi
və kamera-vokal əsərlərinin
ifaçısı, zil, cingiltili və çoxçalarlı
səsə malik olan Firəngiz Əhmədova
Azərbaycanın görkəmli
müğənnilərindəndir. Onun ifasında
Üzeyir bəy Hacıbəyovun
«Sənsiz», Asəf Zeynallının
«Ölkəm» romansları, Niyazinin
«Arzu», Əşrəf Abbasovun «Heyran
olmuşam», Ağabacı Rzayevanın
«Oxuma, gözəl» mahnıları,
Pyotr Çaykovskinin, Sergey
Raxmaninovun mürəkkəb sənət
nümunələri radionun qızıl fondunda
fəxri yer tutur.
Firəngiz Yusif qızı
Əhmədova 1928-ci il sentyabr
ayının 23-də Bakıda anadan olmuşdur.
O, əvvəlcə Asəf Zey-nallı
adına Musiqi Məktəbində təhsil
almış və vokal sənətinə
yiyələnmişdir. F.Əhmədova ilk
vaxtlar Azərbaycan Dövlət Radiosunun
xorunda solist işləmişdir.
Müğənni Moskvada,
Kiyevdə, Tiflisdə, Orta Asiya
respublikalarında qastrol səfərlərində
olmuşdur. Konservatoriyanın
hazırlıq şöbəsində Marqarita
Kolotovanın sinfində təhsil
almışdır. 1951-ci ildə ikinci kurs
tələbəsi olan Firəngiz Əhmədova
Opera və Balet Teatrına solist
dəvət olunmuşdur. Onun ilk rolu
Müslüm Maqomayevin «Nərgiz»
operasında Nərgizin partiyası
olmuşdur. 1955-ci ildə F. Əhmədova
Konservatoriyanı bitirdikdən
sonra Azərbaycanın müasir
və klassik dünya bəstəkarlarının
operalarının tamaşalarında əsas
partiyaların mahir ifaçısı kimi
tanınmışdır.
F.Əhmədova teatrda dahi
Üzeyir bəy Hacıbəyovun «Koroğlu»
(Nigar), Müslüm Maqomayevin
«Şah Ismayıl» (Gülzar),
F.Əmirovun «Sevil» (Sevil), Cahangir
Cahangirovun «Azad» (Səriyyə),
Ramiz Mustafayevin «Vaqif»
(Xuraman), Vasif Adıgözəlovun
«Ölülər» (Nazlı), Süleyman
Ələsgərovun «Bahadır və
Sona» (Sona) operalarında baş
partiyaları ifa etmişdir. F.Əhmədova
uzun illər «Arşın mal
alan» operettasında Gülçöhrənin