Əlamətdar və tarixi günlər təqvimi: 2008-cı il - Azərbaycan Milli ...

QASIM QASIMZADƏ – 85
İyul
23.07.1923-
Şair 28.07.1993
Şair və alim Qasım
Xansuvar oğlu Qasımzadə 1923-
cü il iyulun 23-də Qubadlı
rayonunun Xocamsaxlı kəndində
anadan olmuşdur. Şəki Pedaqoji
Texnikumunu bitirdikdən sonra
Kəlbəcərdə orta məktəb müəllimi,
Yevlax Rayon Xalq Maarifi
şöbəsində metodist işləmişdir.
1945-1950-ci illərdə Bakı Dövlət
Universitetinin (o vaxtkı ADUnun)
Filologiya fakültəsində
təhsilini davam etdirmişdir. 1947-
1949-cu illərdə “Azərbaycan
gəncləri” qəzeti redaksiyasında
Ədəbiyyat və incəsənət şöbəsinin
müdiri olmuşdur. Ədəbi fəaliyyətə
1944-cü ildə “Kommunist” qəzetində
çap etdirdiyi “Vəfasız olmaz”
adlı ilk şeiri ilə başlamışdır.
Sonrakı illərdə dövri mətbuatda
şeirləri, ədəbi-tənqidi və publisistik
məqalələri ilə ardıcıl olaraq
çıxış etmişdir. 1950-1953-cü illərdə
“Ədəbiyyat və incəsənət ”qəzeti
redaksiyasında Tənqid şöbəsinin
müdiri, 1950-1953-cü illərdə
Azərbaycan EA Nizami adına
Ədəbiyyat İnstitutunun aspirantı,
1953-1954-cü illərdə baş elmi işçi
əvəzi, 1954-1959-cu illərdə baş
elmi işçi, 1957-1963-cü illərdə
“Ədəbiyyat və incəsənət” qəzetinin
redaktoru olmuşdur. Q.Qasımzadə
M.Tursunzadənin “Hindistan
balladası”, “Asiyanın səsi”,
M.Mirşəkərin “Qızıl qışlaq”,
İ.Noneşvilinin “Qonaq gəlin Gürcüstana”
əsərlərini rus dilindən
Azərbaycan dilinə tərcümə etmişdir.
1963-1973-cü illərdə
yenidən Azərbaycan EA Nizami
adına Ədəbiyyat İnstitutuna
qayıtmış, burada baş elmi işçi,
1973-cü ildən Sovet ədəbiyyatı
tarixi şöbəsinin müdiri vəzifəsində
işləmişdir. 1950-ci ildə Bakıda
rayon Xalq Zəhmətkeş Deputatları
Sovetinə deputat seçilmişdir.
1982-ci ildə Azərbaycan SSR Ali
Soveti Rəyasət Heyətinin Fəxri
Fərmanına və bir medala layiq
görülmüşdür.
O, 1993-cü il iyul ayının
28-də Bakıda vəfat etmişdir.