Əlamətdar və tarixi günlər təqvimi: 2008-cı il - Azərbaycan Milli ...

ÇİNGİZ AYTMATOV – 80
YAZIÇI
Dekabr
12.12.1928
Tanınmış qırğız yazıçısı
Ç.Aytmatov 1928-ci il dekabr
ayının 12-də (Qırğızıstan Respublikasının
Kirov rayonu Şəkər
qışlağı) anadan olmuşdur. O,
1953-cü ildə Kənd Təsərrüfatı
institutunu bitirmiş və zootexnik
işləmişdir. Əsərlərini qırğız və rus
dillərində yazır. İlk əsəri olan
“Qəzetçi Dzüydo” hekayəsi 1952-
ci ildə çapdan çıxmışdır. İnsan və
cəmiyyət problemi yazıçının
yaradıcılığının əsas mövzusudur.
“Üz-üzə” (1957), “Cəmilə”
(1958), “Sərv boylu dilbərim”
(1961; Azərbaycan dilinə “Qırmızı
yaylıqlı qovağım mənim” adı
ilə tərcümə olunmuşdur), “İlk
müəllim” (1962), “Köşək gözü”
(1963), “Ana tarla” (1963),
“Əlvida Gülsarı” (1967) və s.
povestlərini yazmışdır. 1970-ci
ildə çapdan çıxmış “Ağ gəmi”
povestində mühüm ictimai,
mənəvi-əxlaqi problemlər qaldırılır.
“Ana tarla” povesti əsasında
yazılan “Ana torpağı” pyesi
Azərbaycan Dövlət Akademik
Milli Dram Teatrında tamaşaya
qoyulmuşdur. Əsərlərinin çoxu
ekranlaşdırılmışdır.
Yazıçının əməyi yüksək
qiymətləndirilmişdir. 1963-cü ildə
ona SSRİ Dövlət mükafatı
laureatı, 1968-ci ildə isə ona
Qırğızıstan SSR Xalq yazıçısı adı
verilmişdir.
ƏSƏRLƏRİ
Seçilmiş əsərləri /tərt. İ.Məmmədova.
– B.: Çaşıoğlu, 2004. –
447 s.
Seçilmiş əsərləri : 2 c.-də. – B.:
Öndər nəşriyyat, 2004; C. 1. – 501
s.; C.2. – 381 s.
Ağ gəmi. Dəniz kənarı ilə qaçan
Alabaş : povestlər . – B.: Yazıçı,
1980. – 228 s.
Ana tarla : povest. – B.:
Azərnəşr, 1966. – 100 s.
Cəmilə : povest. – B.:
Uşaqgəncnəşr, 1961. – 56 s.