Əlamətdar və tarixi günlər təqvimi: 2008-cı il - Azərbaycan Milli ...

qoji Institutu və Bakı Dövlət
Universiteti kimi yüksək ali təhsil
ocaqlarında mühazirələr oxumuşdur.
Müəllifin coğrafiya elminin
problemlərinin tədqiqinə həsr
edilmiş fundamental əsərləri
içərisində 1973-cü ildə yazdığı
«Cənubi-şərqi Qafqazın geomorfologiyası
və yeni tektonikası» adlı
monoqrafiyası xüsusilə seçilir.
Bu əsər fundamentallığına və
təcrübi əhəmiyyətinə görə 1978-ci
ildə keçmiş SSRI Coğrafiya
Cəmiyyətinin «N.M. Prjevalski
adına» qızıl medalına layiq
görülmüşdür.
Görkəmli alim Budaqov
ilk dəfə olaraq yeni tektonik
hərəkətlərin Azərbaycan ərazisi,
landşaftının formalaşmasına təsirini
öyrənməyə müvəffəq olmuşdur.
O, 1970-1975-ci illərdə
respublika ərazisindəki palçıq
vulkanlarının landşaftını öyrənmiş
və iri miqyaslı xəritəsini tərtib
etmişdir. Onun rəhbərliyi ilə
respublikada fiziki coğrafiyanın
müxtəlif sahələrini əhatə edən 30-
dan çox namizədlik disser-tasiyası
müdafiə edilmiş və yeni məktəb
formalaşmışdır. Akade-mikin
yaradıcılığının geniş diapa-zonu,
onun müxtəlif elmləri yaxşı
mənimsəməsi, dərin məntiqi düşüncəsi
və zəngin təxəyyülü ilə
bağlıdır. Azərbaycan Milli Elmlər
Akademiyasının Coğrafiya Institutunda
toponimikanın inkişaf
etdirilməsində də alimin xidmətləri
olduqca böyükdür.
«Türk uluslarının yer
yaddaşı» (1994), «Ermənistanda
Azərbaycan mənşəli toponimlərin
izahlı lüğəti» (1998) adlı kitabları,
çoxsaylı elmi məqalələri və yeni
tərtib etdiyi xəritələr Azərbaycanşünaslığa
dair zəngin və
gərəkli məxəzlərdir.
Müəllif «Türk uluslarının
yer yaddaşı» kitabında ilk dəfə
olaraq türk dünyası ərazisində
qədim dövrlərdən bu günə qədər
yaddaşlarda və yer adlarında daşlaşmış
coğrafi toponimlərin «dilini»
açmışdır. Budaq Budaqov
ətraf mühitdə hadisə və proseslərin
ekoloji aspektlərinin
öyrənilməsi sahəsində də xeyli iş
görmüşdür. Bu mövzuda onun
«Təbiəti qoruyaq» (1977), «Azərbaycanın
təbiət abidələri» (1980),
«Təbiət və poeziya» (1992) adlı
kitabları, «Azərbaycan ərazisinin
ekoloji-coğrafi rayonlaşması» adlı
xəritəsi və 30-a qədər elmi əsəri
mövcuddur.
Ömrünün yarıməsrlik ən
qaynar və yaradıcı dövrünü
coğrafiya elminin yeni ixtisas
sahələrinin inkişafına, onun problemlərinin
həllinə sərf etmiş olan
görkəmli coğrafiyaşünas alim
Budaq Budaqovun elmi fəaliyyəti
təkcə respublikamızla məhdudlaşmır.
O, həm də MDB ölkələri,
o cümlədən Mərkəzi Asiya dövlətləri
üçün də coğrafiyanın müxtəlif
sahələri üzrə elmi kadrların
yetişdirilməsi sahəsində böyük
xidmətlər göstərmişdir. Görkəmli
alim keçən illər ərzində Azərbaycanın
coğrafiya elminin