Əlamətdar və tarixi günlər təqvimi: 2008-cı il - Azərbaycan Milli ...

RASIM OCAQOV – 75
Noyabr
22.11.1933-
Kinorejissor 12.07.2006
Azərbaycan kino sənətində
öz dəsti-xətti olan görkəmli
kinorejissor Rasim Ocaqov
1933-cü il noyabr ayının 22
-də Azərbaycanın ən səfalı və
qədim şəhərlərindən birində –
Nuxada (indiki Şəkidə) həkim
ailəsində doğulmuşdur. Onun
uşaqlığı və gənclik illəri burada
keçmişdir. Hələ gənclik illərində
Rasim fotoqrafiya ilə maraqlanmış
və həvəskar şəkillər çəkmişdir.
Ancaq o, həmişə geoloq
olmağı arzulamışdı. Bununla əlaqədar
olaraq Azərbaycan Neft və
Kimya Institutuna daxil olmaq
istəmişdir. Kinoya isə o, təsadüfən
gəlib çıxmışdır. Bir dəfə
Şəkiyə sənədli film çəkən yaradıcı
qrup gəlir. Bu vaxt fotoqrafiya
ilə ürəkdən məşğul olan
Rasim peşəkarların ipək kombinatında
necə işlədiklərini görmək
ücün onların yanına gedir.
Möcüzəli kino aləmi Rasimi
özünə elə çəkir ki, gənc fotoqraf
bu sənəti kökündən öyrənməyi
qərara alır. Rasim Ocaqov orta
məktəbi bitirdikdən sonra bu
məqsədlə Moskvaya gedir və
imtahanlarını müvəffəqiyyətlə
verib Ümumittifaq Dövlət Kinematoqrafiya
Institutunun Operatorluq
fakültəsinə daxil olur.
O, Institutda B.Qolovnya
və L.Kosmatov kimi görkəmli
kinematoqrafçılardan, təcrübəli
kinooperatorlardan dərs alır, kinonun
incəliklərini, operator sənətinin
əlifbasını, kinonun texnikasını
dərindən öyrənir. 1956-cı
ildə diplom müdafiə edib,
Institutu uğurla bitirir və təyinatla
Bakı kinostudiyasına gəlir.
Rasim Ocaqov operator
kimi ilk filmini çəkəndən sonra
ona baxmaq üçün atasını Bakıya
dəvət edir. Ona elə gəlirdi ki,
atası filmi görən kimi çox
sevinəcək. Amma o, filmə baxıb
bir müddət susur, sonra deyir:
«Elə bundan ötrü Şəkidən getmişdin…
Evdə qalaydın, bir işin
qulpundan yapışaydın. Məgər
həyatda belə şeylər olur, bu nədir
çəkmisiniz Rasim bu sözlərdən
bərk utanır. Lakin atasının sözləri
ona dərs olur: «Kino əyləncə
deyil, dəbdə olan peşə deyil,
kino yüksək sənətdir, bütün varlığınla
ona xidmət etməlisən».