Əlamətdar və tarixi günlər təqvimi: 2008-cı il - Azərbaycan Milli ...

ZƏHRA QULIYEVA – 85
Yanvar
18.01.1923-
Tibb elmləri doktoru 28.11.2005
Həyatda hər insana ömür
bir dəfə verilir. Gərək elə yaşayasan
ki, adın həmişə yaxşılar
sırasında çəkilsin. Əbəs yerə
deməmişlər ki, insan ömrü atadan-babadan
qalma bir xəzinəyə
bənzəyir. Adam var, onu səmərəli,
adam da var, hədər yerə
«xərcləyir». Həyatda elə insanlar
var ki, xoşbəxtliyini, ömrünün
mənasını öz xalqına xidmət etməkdə
görür. Görkəmli alim,
bacarıqlı həkim, fəal ictimaiyyətçi
Zəhra Quliyeva da belə insanlardan
idi.
Adətən, valideynlər öz övladlarına
«gözümün işığı» deyə
müraciət edirlər. Bu təsadüfi deyildir.
Çünki insan üçün göz işığı
ən müqəddəs nemətdir. Göz işığı
insana anadangəlmə verilirsə,
Zəhra xanım yüzlərlə xəstəni bu
əvəzsiz nemətdən məhrum olmağa
qoymamış, müalicə yolu ilə
onu qoruyub saxlamış, ailələrə
sonsuz və saysız-hesabsız sevinc
bağışlamışdır.
Tibb elmləri doktoru,
professor Zəhra Tahir qızı
Quliyeva 1923-cü il yanvar ayının
18-də Bakı şəhərində anadan
olmuşdur. Ibtidai təhsilini 48 saylı
məktəbdə almış, orta təhsilini 132
saylı məktəbdə davam etdirmişdir.
1940-cı ildə həmin məktəbi
əla qiymətlərlə bitirmişdir. O
zaman əlaçıların ali məktəblərə
imtahansız qəbul olunmaq imtiyazı
var idi.
1940-cı ildə Zəhra Quliyeva
bu yüksək imtiyazla Azərbaycan
Tibb Institutunun Müalicə-profilaktika
fakültəsinə daxil
olmuşdur. 1944-cü ildə ali məktəbi
«əla» qiymətlərlə bitirdiyi
üçün özünün seçdiyi Oftalmologiya
kafedrasında saxlanılmışdır.
Əvvəl klinik ordinator kimi
çalışır, sonralar assistent, dosent,
professor, kafedra müdiri vəzifələrinədək
yüksəlir. 1958-ci ildə
namizədlik, 1967-ci ildə isə doktorluq
dissertasiyalarını müdafiə
etmişdir. Elmi işlər üzrə dekan
müavini, tədris hissə üzrə prorektor
vəzifələrində çalışdığı zaman
qazandığı təcrübə, təşkilatçılıq
bacarığı Tibb Institutunun
rektoru seçilməsinə zəmin yaradır.
Zəhra xanım on iki il bu vəzifədə
çalışmışdır. Istedadlı alim