Əlamətdar və tarixi günlər təqvimi: 2008-cı il - Azərbaycan Milli ...

SAMƏT ƏLIZADƏ-70
Mart
14.03.1938-
Ədəbiyyatşünas 31.03.2002
Filologiya elmləri doktoru,
professor, Azərbaycanın
görkəmli filoloqlarından biri
Samət Qüdrət oğlu Əlizadə 1938-
ci ildə mart ayının 14-də Xızı
kəndində anadan olmuşdur. 1955-
ci ildə Siyəzən rayon orta
məktəbini bitirən Samət 1955-
1960-cı illərdə BDU-nun Filologiya
fakültəsində, 1962-ci ildə
dil tarixi üzrə BDU-nun aspiranturasına
daxil olmuşdur. 1966-
cı ildə «Şühədanamədə adlar»
mövzusunda namizədlik, 1992-ci
ildə «XVI əsr Azərbaycan ədəbi
dili» mövzusunda doktorluq
dissertasiyası müdafiə etmiş,
filologiya elmləri doktoru elmi
dərəcəsi almışdır. Bakı Dövlət
Universitetindəki elmi pedaqoji
çalışmaları boyu 6 tədris proqramı
tərtib etmiş, 3 dərs vəsaiti, 1
dərslik yazmış, 7 namizədlik,
doktorluq dissertasiyasının müdafiəsində
rəsmi opponent olmuşdur.
S.Əlizadənin tədqiqat
əsərləri Azərbaycan tarixi filologiyasının
müxtəlif sahələrinintarixi
qrammatika, etimologiya,
mətnşünaslıq, poetika və ədəbi dil
tarixinin fundamental nəzəri və
təcrübi məsələlərinin həllinə həsr
olunub. Onun «XVI əsr Azərbaycan
ədəbi dili», «Klassik Azərbaycan
şairləri söz haqqında»,
«Azərbaycan ədəbi dili tarixindən
praktikum», «Orta əsrlərdə Azərbaycan
yazı dili», «Əski Azərbaycan
yazısı», «Şah beytlər» və
s. kitabları bu qəbildəndir.
Qədim türk yazılı abidələrinin
elmi-izahlı mətnlərin
tərtibində, çapa hazırlanmasında,
habelə Nəsimi, Xətai, Füzuli kimi
böyük sənətkarların dilinin tədqiq
edilməsində S.Əlizadənin xüsusi
xidmətləri var. O, 1988-ci ildə
nəşr etdirdiyi «Kitabi-Dədə Qorqud»
əsərindən əlavə, abidə ilə
bağlı on beş məqalə və tezis çap
etdirib.
Ədəbi tənqid sahəsində də
S.Əlizadənin öz dəsti-xətti
olmuşdur. O, Azərbaycan dili və