Əlamətdar və tarixi günlər təqvimi: 2008-cı il - Azərbaycan Milli ...

KRILOV İVAN ANDREYEVİÇ - 240
Fevral
02.02.1768-
Şair 21.11.1844
Rus yazıçısı, təmsilçi,
jurnalist İvan Andreyeviç Krılov
1768–ci il fevralın 13-də Moskva
şəhərində anadan olmuşdur. O,
sistemli təhsil almış, müstəqil
olaraq ədəbiyyatı, riyaziyyatı,
fransız və italyan dillərini
öyrənmişdir. 1782-ci ildə 14
yaşında əyalət mülkədarlarının
adətlərini təsvir edən “Qəhvədan”
adlı komik operasını yazmışdır.
1786-1788-ci illərdə “Quduz ailə”,
“Yazıçı dəhlizdə”, “Dəcəllər” adlı
komediyalarını yazmışdır.
Jurnalistlik fəaliyyətinə 1792-ci
ildə yazdığı “Qaib” povesti ilə
başlamışdır. Krılovun satiraları II
Yekaterinanın narazılığına səbəb
olduğundan o, bir müddət ədəbi
fəaliyyətdən əl çəkmiş və əyalətdə
gizlənmişdi.
1799-1800-ci illərdə Krılovun
hökumət əleyhinə yazdığı
“Trumf” məzhəkə-faciəsi əlyazma
şəklində geniş yayılmışdır. Onun
1807-ci ildə yazdığı “Moda
dükanı”, “Qızlara nəsihət” komediyaları,
“İlya Muromets” komik
operası şöhrət qazanmışdır.
1809-cu ildə Krılovun
təmsillərdən ibarət ilk kitabı nəşr
olunmuşdur. Krılov yaradıcılığı
rus təmsilinin zirvəsi səviyyəsinə
yüksəlmişdir. O, atalar sözü, nağıl
və məsəllərdən məharətlə faydalanmış,
rus ədəbi dilinin inkişafında
mühüm rol oynamışdır.
Əsərləri bir sıra dillərə tərcümə
olunmuşdur. Təmsilləri XIX əsrin
30-cu illərindən Azərbaycanda da
geniş yayılmışdır. “Eşşək və
bülbül” təmsilini A.A. Bakıxanov
Azərbaycan dilinə tərcümə
etmişdir.
Krılov 1844-cü il noyabrın
21-də Peterburqda vəfat etmişdir.