Əlamətdar və tarixi günlər təqvimi: 2008-cı il - Azərbaycan Milli ...

GÜLHÜSEYN HÜSEYNOĞLU-85
Yazıçı
Oktyabr
16.10.1923
Gülhüseyn Hüseynoğlu
(Abdullayev) 1923-cü il oktyabr
ayının 16-da Masallı rayonunun
Mollaoba kəndində anadan olmuş,
kiçik yaşlarında ikən ailəsi ilə
Bakıya köçdüyündən uşaqlığı,
gəncliyi və bütün sonrakı fəaliyyəti
Bakıda keçmişdir.
1947-ci ildə S.M.Kirov
adına ADU-nun Filologiya
fakültəsini bitirmiş, aspiranturaya
qəbul olunmuş, lakin gizli antisovet
fəaliyyətinə görə şəxsiyyətə
pərəstiş dövründə həbs olunaraq,
25 il müddətinə azadlıqdan məhrum
edilmişdir. 1956-cı ildə ona
tam bəraət verilmiş, aspiranturaya
bərpa edilmişdir və ADUda
müəllim saxlanılmışdır. Gülhüseyn
Hüseynoğlu görkəmli
yazıçı, alim, müəllimdir. O, Azərbaycan
ədəbiyyatının tamamilə
yeni bir janr olan mənsur şeiri
daha da zənginləşdirən və yarım
əsrdən artıq bu sahədə yorulmadan
çalışan bir sənətkardır.
Görkəmli yazıçının
mənsur şeirləri həm məzmun, həm
də formaca zəngin olub
Azərbaycan xalqının mənəviyyatını,
əhvali-ruhiyəsini kifayət
qədər dolğun şəkildə əks etdirir.
Onun gənclik illərindən
gələn daxili narahatlığı,
üsyankarlığı yalnız mənsur
şeirlərində deyil, yaradıcılığının
bütün sahələrində öz əksini
tapmışdır. O, neçə illərdir ki,
Azərbaycan poeziyasının vaxtsız
susdurulmuş bülbülü M.Müşfiq
haqqında tədqiqat işi aparır.
Yazıçının «Ana» adlı ilk
hekayəsi 1944-cü ildə, «Bənövşə
əfsanəsi» adlı ilk mənsur şeiri isə
1946-cı ildə çap olunmuşdur.
Müxtəlif janrlarda əsərlər
yazan, lakin bir janrda daha çox
müvəffəq olub tarixə düşən
yazıçıların yaradıcılığı göstərir ki,
müxtəlif janrlara müraciət prinsip
etibarilə hər hansı bir janrın
ifadə-idrak imkanlarını genişləndirmək
ehtiyacından irəli gəlir.
Onlarla kitabların müəllifi, əlli
ildən artıq kifayət qədər çoxplanlı
yaradıcılıq təcrübəsi olan, həyatın
hər üzünü görmüş Gülhüseyn
Hüseynoğlu hekayələr, oçerklər,
povestlər, elmi əsərlər yazsa da,
Azərbaycan ədəbi-ictimai mühiti
onu birinci növbədə mənsur