Əlamətdar və tarixi günlər təqvimi: 2008-cı il - Azərbaycan Milli ...

Aşıq Şəmşirin şeir dili çox
sadə, bədii və şirindir. Onun
dilinin lüğət tərkibini canlı xalq
dili folklorumuzdan (klassik aşıq
şeirindən), qismən də yazılı
ədəbiyyatımızdan gələn sözlər
təşkil edir. Şairin təbiət və insan
gözəlliyinə həsr edilmiş şeirləri
çoxdur. O, xüsusən dağlar, gözəllər,
gözlər kimi poetik mövzulara
dair onlarca şeir yazmışdır.
Aşıq 70 yaşında olarkən
belə klassik aşıq havalarını bacarıqla
çalıb oxuya bilmişdi. Aşıq
xüsusən «Şəril», «Baş sarıtel»,
«Qaytarma», «Kərəm şikəstəsi»,
«Gilənar», «Qazax şikəstəsi»,
«Şahsevən», «Güllü qafiyə»,
«Təcnis», «Koroğlu» və s. havaların
mahir və təkrarsız ifaçısı
olmuşdur. Ömrünün 60 ilini öz
sənəti ilə xalqına xidmət edən el
şairi, aşıq şeirinin ən müxtəlif
formalarında gözəl sənət nümunələri
yaratmış, əsərlərində doğma
xalqının fikir və duyğularını
yüksək sənətkarlıqla ifadə etmişdir.
Aşıq 1957-ci ildə Azərbaycan
Yazıçılar Birliyinə üzv
qəbul olunmuşdur. Həmin il ona
Əməkdar incəsənət xadimi adı
verilmişdir. «Şərəf nişanı» ordeni,
«1941-1945-ci illərdə Böyük
Vətən müharibəsində fədakar
əməyə görə» medalı ilə təltif
olunmuşdur.
Aşıq Şəmşir 1980-ci il
fevral ayının 10-da vəfat etmişdir.
Aşıq Şəmşirin Ağdaban kəndindəki
evi erməni quldurları
tərəfindən dağıdılmışdır.
Aşıq Şəmşirin mübarək adı
hələ sağlığında Kəlbəcər sözünün
sinoniminə çevrilmişdi. Kəlbəcər
deyiləndə Dədə Şəm-şir, Dədə
Şəmşir deyiləndə dər-hal Kəlbəcər
yada düşür. Bu böyüklük ancaq
xalq, millət yo-lunda, ümumən
məmləkət yo-lunda böyük mənəvi
dəyəri olan insanlara məxsusdur.
Dədə Şəm-şir keşməkeşli və uzun
həyatı bo-yunca bu milli
mötəbərliyi sazının və sözünün
sayəsində qazanmış bir söz
zərgərimiz, bir ulu şəxsiyyətimizdir.
ƏSƏRLƏRI
Seçilmiş əsərləri.- B.: Azərnəşr,
1973.- 415 s.
Dağ havası: Şeirlər /Red. Ç.Əlioğlu.-
B.: Gənclik,1978.-
118 s.
Güllələsin dağlar məni.- B.: Təhsil
mərkəzi, 2000.- 250 s.
Qoşmalar /Red. E.Borçalı.- B.:
Azərnəşr, 1971.- 158 s.
Öyüdlər.- B.: Ozan, 1996.- 291 s.
Şeirlər.- B.: Azərnəşr, 1959.-
115 s.
Şeirlər.- B.: Yazıçı, 1980.- 252 s.