Əlamətdar və tarixi günlər təqvimi: 2008-cı il - Azərbaycan Milli ...

LÜTFIYAR IMANOV-80
Müğənni
Aprel
04.04.1928
Lütfiyar Müslüm oğlu
Imanov 1928-ci il aprelin 4-də
Sabirabad rayonunda anadan
olmuşdur. 1956-cı ildə Asəf Zeynallı
adına Bakı Musiqi Məktəbini
bitirmişdir.
Lütfiyar Imanov 1954-
1956-cı illərdə Azərbaycan Televiziyası
və Radiosu Xorunun,
1956-1957-ci illərdə Azərbaycan
Dövlət Estrada Orkestrinin solisti
olmuş, 1957-1959-cu illərdə
Azərbaycan Dövlət Musiqili Komediya
Teatrında aktyorluq
etmişdir.
Aktyor-müğənni bu teatrda
Üzeyir bəy Hacıbəyovun «Arşın
mal alan» (Vəli və Əsgər) və «O
olmasın, bu olsun» (Sərvər)
operettalarında, dramaturq Məhərrəm
Əlizadənin və bəstəkar
Ağasi Məşədibəyovun «Toy
kimindir» (Mehman və Aşiq
Iblis) musiqili komediyalarında
müxtəlif rolları oynamışdır.
Səsinin tembri, səhnə
görkəmi maestro Niyazinin diqqətini
cəlb etmiş və o, müğən-nini
direktoru olduğu Opera və Balet
Teatrında işlə təmin etmiş-dir.
O,1959-cu ildən M.F.Axun-dov
adına Azərbaycan Dövlət Opera
və Balet Teatrının solis-tidir.
Üzeyir Hacıbəyovun
«Koroğlu» operasında Koroğlunun
partiyası l.Imanovun opera
səhnəsində ilk işidir. Bundan
başqa L.Imanov F.Əmirovun
«Sevil» operasında Balaş, C.Cahangirovun
«Azad» operasında
Ayaz, R.Mustafayevin «Vaqif»
operasında Vaqif, S.Ələsgərovun
«Bahadır və Sona» operasında
Bahadır, J.Bizenin «Karmen»
operasında Karmen, Ş.Qunonun
«Faust» operasında Faust,
C.Puççinin «Toska» operasında
Kavaradossi və başqa partiyaları
ifa etmişdir.
O, Moskvada Böyük Teatda
Xose və Hersoqun partiiyalarını
ifa etmişdir.
L.Imanovun repertuarında
Azərbaycan xalq mahnıları, romanslar
mühüm yer tutur.
O, keçmiş SSRI-nin bir
çox şəhərlərində, habelə Fransa,
Italiya, Norveç, Yaponiya, Hindistan,
Kuba, PXR və s. kimi
xarici ölkələrdə çox uğurlu çıxışlar
etmişdir.