Strategjia e e Energjise e Kosoves 2009 - 2018 - Ministria e Integrimit

STRATEGJIA E ENERGJISË E REPUBLIKËS SË KOSOVËS 2009–2018
Paralelisht me politikat energjetike që i përkasin shfrytëzimit racional të energjisë dhe përmirësimit
të efiçiencës së përgjithshme të energjisë në Kosovë, do të merren masa për stimulimet e
konsumatorëve për shfrytëzimin racional të karburanteve të lëngëta.
Shtrirja e përdorimit të Gazit të Lëngëzuar të Naftës (LPG) përbën prioritet, sepse i shërben
diversifikimit të burimeve energjetike në dispozicion të konsumatorëve. Kjo do të krijonte kushte
për reduktim të ndjeshëm të energjisë elektrike që përdoret për ngrohje, gatim dhe shërbime të
tjera.
Kjo strategji synon edhe krijimin e rezervave të detyrueshme të derivateve të naftës, me qëllim
të sigurimit të furnizimit të mjaftueshëm dhe të qëndrueshëm me derivate, pa luhatje ekstreme
të çmimeve në tregun vendor. Për këtë, MEM do të propozojë masa për përgatitjen e një qasje
afatgjatë për krijimin e stokut të karburanteve në përputhshmëri me direktivat përkatëse të BE-së.
MEM, gjithashtu do ta mbështesë MTI-në në përgatitjen e një programi masash afatmesme për
arritjen e rezervës së detyrueshme të karburanteve në përputhje me direktivën përkatëse të BE-së.
Masat që do të ndërmerren
Masat për zhvillimin e sektorit të karburanteve të lëngëta do të përfshijnë:
• Rregullimi i sektorit të Gazit të Lëngëzuar të Naftës (LPG), me udhëzime administrative,
përfshirë hartimin dhe zbatimin e një politike nxitëse për penetrimin e gjerë të tij;
• Zbatimi i dispozitave të përgjithshme për shëndetin, sigurinë dhe mjedisin, që do të
aplikohen nga organizatat dhe individët që merren me biznesin e produkteve të naftës;
• Promovimi i transportit hekurudhor për mallra dhe udhëtarë në tërë rrjetin hekurudhor
të Kosovës, si alternativë e transportit automobilistik;
• Promovimi i përdorimit të biokarburanteve; dhe
• Përgatitja e planit për arritjen e rezervës së sigurisë të karburanteve të lëngëta në
përputhje me direktivat Evropiane.
11.6 Efiçienca e energjisë dhe burimet e ripërtëritshme të energjisë
Politika që do të zbatohet
Sipas dispozitave të Traktatit të Komunitetit të Energjisë, Kosova është zotuar në rritjen e pjesës
së energjisë të përftuar nga burimet e ripërtëritshme në portofolion e saj të gjenerimit. Qeveria ka
vendosur një cak për Kosovën, që është arritja e një përpjese të energjisë nga burime të ripërtëritshme
prej 7% deri në vitin 2016. Efiçienca e energjisë është mjet i rëndësishëm shtesë për arritjen e këtij
caku. Po ashtu, me këtë do të zvogëloheshin lirimet e gazrave me efekt serë, konsumatorët do
t’i zvogëlonin faturat e tyre të energjisë, dhe do të zvogëlohej kërkesa në përgjithësi, së paku në
kuptim relativ. Është e qartë se rritja e pjesës së energjisë nga burimet e ripërtëritshme është e
rëndësishme për Kosovën në aspektin e diversifikimit të burimeve energjetike dhe varësia gati e
plotë nga kapacitetet gjeneruese me djegie të linjitit.
Përmbushja e parashikimeve për prodhimin e energjisë nga BRE përbën një objektiv afatgjatë
që lidhet edhe me respektimin e detyrimeve të TKE-së. Rritja e EE dhe shfrytëzimi i BRE do të
kontribuojnë në realizimin e tri qëllimeve të politikës energjetike të vendit: mbështetjes për rritjen
e zhvillimit të përgjithshëm ekonomik, rritjen e sigurisë së furnizimit me energji dhe mbrojtjen
Faqe 76
Ministria e Energjisë dhe Minierave