Strategjia e e Energjise e Kosoves 2009 - 2018 - Ministria e Integrimit

STRATEGJIA E ENERGJISË E REPUBLIKËS SË KOSOVËS 2009–2018
Ulja e ndotjes në ajër dhe ujërave (Kosova A)
Për shkak të pajisjeve të vjetra dhe me funksionim të dobët, ‘Kosova A’ liron sasi të mëdha të
materieve/grimcave të ngurta në ajër dhe ndotë ujërat sipërfaqësore. Qeveria do ta përkrahë KEK
sh.a. për të:
1. Riparuar dhe funksionalizuar, deri në vitin 2010, sistemin e trajtimit dhe deponimit të
hirit dhe sistemin e trajtimit të ujërave të zeza për tërë termocentralin, duke përfshirë
kthimin nga transportimi dhe deponimi i thatë në atë hidraulik të hirit; dhe
2. Instaluar sistemin e monitorimit mjedisor.
Masat mbrojtëse sociale
Qeveria është zotuar që çështjet sociale që lindin nga zhvillimi i minierave t’i adresojë në pajtim me
praktikat më të mira ndërkombëtare. Politikat sociale për konsultime, pjesëmarrje dhe zhvendosje
të komunitetit, janë duke u harmonizuar me rregulloret e BE-së. Qeveria do të sigurojë që ndikimet
në njerëzit e prekur nga zhvillimet e sektorit adresohen si duhet. Qeveria do të:
1. Zhvillojë dhe miratojë një kornizë politikash sociale për qeverisjen e të gjitha aspekteve
të zhvendosjes;
2. Fillojë në vitin 2009 me përpjekjet për bonifikimin e tokës, duke riformësuar dhe
rikultivuar pjesët e mbuluara me djerrinë nga minierat ekzistuese të linjitit; dhe
3. Zhvillojë politika të përshtatshme për të siguruar shpërndarje transparente dhe të drejtë
të tokave të bonifikuara, përfshirë politikat për zhvendosjen e ekonomive familjare dhe
komuniteteve të prekura.
11.8 Vendosja e sistemit modern të statistikave energjetike
Sistemi i grumbullimit dhe përpunimit të të dhënave, që tashmë është në realizim e sipër edhe në
MEM, duhet të jetë plotësisht në pajtim me sistemin EUROSTAT sa i përket metodave plotësisht
të përcaktuara për mbledhjen dhe përpunimin e të dhënave, si në drejtim të konsumit, ashtu edhe
në drejtim të furnizimit me burime energjetike.
Një sistem i tillë i statistikave energjetike ka për qëllim të sigurojë pasqyrë të plotë për Qeverinë,
investitorët dhe palët tjera të interesuara mbi gjendjen reale energjetike të vendit, si në drejtim
të konsumit/tregut të burimeve energjetike, ashtu edhe në drejtim të potencialeve përkatëse
energjetike, për ta bërë të mundur shfrytëzimin racional të tyre.
Në periudhën afatshkurtër në Kosovë do të vendoset një sistem adekuat i grumbullimit, përpunimit
dhe verifikimit të shënimeve të plota dhe të besueshme për prodhimin dhe konsumin e energjisë
sipas sektorëve. Më tej do të kalohet edhe në një sistem të të dhënave rajonale, i cili do ta bëje
të mundur vlerësimin e situatave energjetike në nivel rajonal, kjo për ta mbështetur më mirë
zhvillimin në nivel rajonal.
Ministria e Energjisë dhe Minierave Faqe 79