Strategjia e e Energjise e Kosoves 2009 - 2018 - Ministria e Integrimit

STRATEGJIA E ENERGJISË E REPUBLIKËS SË KOSOVËS 2009–2018
14. Masat për zbatimin e Strategjisë së Energjisë
Për zbatimin e kësaj Strategjie do të përgatitet së shpejti Programi i Zbatimit të Strategjisë së
Energjisë (PZSE) për Periudhën 2009-2011. Ky program do t’i përmbajë:
• masat dhe projektet (të rishikuara sipas nevojës) që nuk janë arritur të financohen dhe
zbatohen gjatë periudhës 2006-2008 dhe që janë konsideruar prioritare dhe të nevojshme
nga kjo strategji e rishikuar e energjisë;
• masat dhe projektet e reja që janë identifikuar dhe përfshihen në këtë strategji të rishikuar
të energjisë për periudhën afatshkurtër deri në atë afatmesme;
• propozime konkrete të mënyrës së financimit për secilën masë, program, apo projekt të
përfshirë në të (përfshirë financim në kuadër të KASH, ose nga donatorë konkretë); dhe
• një masë për institucionalizimin e bashkëpunimit ndërinstitucional vendor për zbatimin e
PZSE 2009-2011.
PZSE 2009-2011 do të konsiderojë në mënyrë të veçantë edhe projektet e paraqitura në
Konferencën e Donatoreve për Kosovën, mbajtur në Bruksel më 11 korrik 2008. PZSE do të
konsultohet paraprakisht me MEF dhe donatorët kryesorë në mënyrë që të arrihet financimi sa më
i mirë i tij për tri vitet 2009-2011.
Koordinimi i përgatitjes së PZSE 2009-2011 do të bëhet nga MEM. PZSE 2009-2011 do të
paraqitet në Qeverinë e Kosovës.
Faqe 82
Ministria e Energjisë dhe Minierave