Strategjia e e Energjise e Kosoves 2009 - 2018 - Ministria e Integrimit

STRATEGJIA E ENERGJISË E REPUBLIKËS SË KOSOVËS 2009–2018
6. Japë me koncesion ndërtimin e Hidrocentralit të Zhurit, pasi ai t’i nënshtrohet studimeve
të pranueshme të fizibilitetit, të masave mbrojtëse mjedisore dhe sociale dhe të kalojë
në procesin e konsultimeve publike;
7. Identifikojë dhe vlerësojë, gjatë vitin 2009 dhe 2010, hidro-potencialet e tjera të vogla
që ekzistojnë në Kosovë;
8. Japë, deri në fund të vitit 2011, me koncesion investitorëve privatë ndërtimin e të gjitha
hidrocentraleve të vogla të identifikuara dhe që do të identifikohen gjatë 2009-2010,
përmes një procesi transparent dhe konkurrues të tenderimit;
9. Zhvillojë dhe fuqizojë, deri në fund të vitit 2009, masat stimuluese fiskale për
promovimin e efiçiencës së energjisë dhe teknologjive të energjisë së ripërtëritshme;
10. Zhvillojë, deri në fund të vitit 2010, një program gjithëpërfshirës për promovimin e investimeve
private në projekte të efiçiencës së energjisë dhe energjisë së ripërtëritshme; dhe
11. Ratifikojë Konventën Kornizë të OKB-së për Ndryshimin Klimatik dhe Protokollin e
Kyoto-s, apo pasuesen e tyre, sa më shpejtë që të jetë e mundur.
11.7 Sigurimi i standardeve për mbrojtjen e mjedisit dhe çështjet sociale
Kosova është e angazhuar ta zhvillojë edhe më tej një kuadër të plotë ligjor dhe rregullator për
mjedisin dhe ruajtjen e tij, në përputhje të plotë me acquis për mjedis dhe normat e standardet
Evropiane. Zbatimi në praktikë i këtij kuadri ligjor dhe rregullator përbën sfidën më të madhe
për të ardhmen. Kjo sepse, nga njëra anë sistemet e monitorimit të nivelit të ndotësve të mjedisit
pothuajse nuk ekzistojnë, dhe nga ana tjetër aftësitë e organeve të ngarkuara me zbatimin e ligjit
janë akoma të kufizuara.
Në kuadër të TKE-së Kosova njeh dhe do ta respektojë detyrimin për zbatimin e acquis për mjedis,
që lidhen me sektorin e energjisë. Për këtë është përgatitur dhe po zbatohet një plan i veçantë
masash dhe aktivitetesh. Vështirësi hasen në sigurimin e financimit për ngritjen e sistemeve të
monitorimit të mjedisit.
Masat mbrojtëse mjedisore
Kosova është zotuar në miratimin dhe zbatimin e standardeve mjedisore të BE-së në të gjitha
investimet në sektorin e energjisë. Qeveria do të:
1. Kompletojë legjislacionin mjedisor dhe do të avancojë aftësitë institucionale të lëshimit
të autorizimeve dhe lejeve, monitorimit dhe zbatimit;
2. Miratojë kornizën e Vlerësimit Strategjik Mjedisor dhe Social (VSMS), përfshirë
konsultimet publike, e cila do të ndihmojë në përcaktimin e opsioneve strategjike
dhe informojë mbi planet zhvillimore për projektet e ardhshme të mihjeve dhe të
energjisë;
3. Forcojë legjislacionin dhe strukturat institucionale për rregullimin e ndikimeve
mjedisore për projektet e ardhshme të mihjes dhe të energjisë; dhe
4. Forcojë menaxhimin e burimeve ujore në pajtim me Ligjin Kosovar për Ujërat dhe
Direktivat Kornizë të BE-së mbi Ujërat, në mënyrë që të sigurojë furnizim të besueshëm
me ujë për sektorin banesor, industrial, të energjisë dhe të bujqësisë.
Faqe 78
Ministria e Energjisë dhe Minierave