Strategjia e e Energjise e Kosoves 2009 - 2018 - Ministria e Integrimit

STRATEGJIA E ENERGJISË E REPUBLIKËS SË KOSOVËS 2009–2018
12. Integrimet Evropiane dhe bashkëpunimi ndërkombëtar
Integrimet Evropiane, si prioritet parësor i Qeverisë së Kosovës edhe për sektorin e energjisë, do
të vazhdojnë të realizohen nëpërmjet:
• Procesit të Mekanizmit Përcjellës për Stabilizim dhe Asocim me BE-në (STM),
• Pjesëmarrjes në Traktatin për Komunitetin e Energjisë (TKE), dhe
• Zhvillimit të Bashkëpunimit dypalësh.
MEM do të vazhdojë ta koordinojë punën për mbarëvajtjen e aktiviteteve të sektorit të energjisë në
kuadër të implementimit të Mekanizmit Përcjellës për Stabilizim dhe Asocim me BE-në. Raportet
vjetore të KE-së për Kosovën i kushtojnë kujdes të veçantë edhe sektorit të energjisë. Ato identifikojnë
progresin dhe sfidat për të ardhmen. Këto sfida do të jenë vazhdimisht në vëmendje të punës së
institucioneve të sektorit energjetik. MEM do të vazhdoje të marrë masat e duhura, që për çdo sfidë
të përgatitet plan konkret masash dhe të ndërmerren aktivitetet e duhura për ta tejkaluar atë.
Plotësimi i obligimeve të TKE-së do të vazhdojë të përbëjë një prej prioriteteve të Qeverisë. MEM
do t’i intensifikojë përpjekjet për plotësimin e obligimeve nëpërmjet zbatimit në kohë të të gjitha
planeve dhe roadmap-eve të përgatitura deri më tani për plotësimin e një numri të Direktivave të
BE-së, në kuadër të TKE-së.
Për koordinimin dhe mbarëvajtjen e punës me aktivitetet për integrimet Evropiane, në kuadër të
STM dhe ato rajonale në kuadër të TKE-së, MEM do të vazhdojë të punojmë me të gjithë aktorët
relevantë të sektorit energjetik, në kuadër të Nëngrupit Punues për Energji, përfshirë bashkërendimin
e punës me Agjencionin për Koordinim të Zhvillimit dhe Integrimeve Evropiane.
Qeveria konsideron se bashkëpunimi ndërshtetëror dypalësh është mjaft i rëndësishëm për Kosovën.
Për sektorin e energjisë ky bashkëpunim merr rëndësi të veçantë, sepse synon jo vetëm integrimin
e tregjeve energjetike, por edhe rritjen e mirëkuptimit të ndërsjellë dhe shtimin e shkëmbimeve
energjetike, që janë mjaft të rëndësishme për rritjen e sigurisë së furnizimit me energji, në kushtet
kur infrastrukturat energjetike në vendet e rajonit nuk janë të zhvilluara në masën e duhur që të
mundësojnë shkëmbime të mjaftueshme energjetike pa probleme.
Bashkëpunimi dypalësh do të synojë edhe në shkëmbimin e eksperiencave dhe unifikimi i qasjeve
dhe praktikave për çështje relevante. Në periudhën afatshkurtër MEM synon të arrijë marrëveshje
të bashkëpunimit për sektorin energjetik me Maqedoninë, Malin e Zi dhe Bullgarinë.
Faqe 80
Ministria e Energjisë dhe Minierave