BAШ REDAKTORDAN - turan-sam

Nizami Ъяфяров - 50
Yubiley yazıları adətən müəllif barəsində xoş sözlər
qeyd etməklə diqqəti cəlb edir. Ancaq 50 yaşını yenicə
haqlamış Nizami Cəfərov elə bir şəxsiyyətdir ki, demək
olar ki, onu yaxından tanıyan hər kəs barəsində yalnız
müsbət fikirlər söyləyir. Nizami müəllim
bunu çalışqanlığı, zəhməti, təvazökarlığı,
humanistliyi, xeyirxahlığı ilə qazanıb. Artıq
Nizami Cəfərov dedikdə hər kəsin gözünün
önünə alim, ictimai xadim, siyasətçi və ən
əsası vətənpərvər insan obrazı gəlir. Nizami
Cəfərov adı milli ziyalı elitasının mövcudluğunun
göstəricisidir. Onu təkcə
Azərbaycanda deyil, dünya miqyasında,
xüsusən Türk Dünyasında çox yaxşı tanıyırlar.
Türk Dünyasının inteqrasiyasına yönəlik
fəaliyyəti hər zaman Türk milləti tərəfindən dəstəklənir.
Vaxtilə Nizami müəllimin ortaya atdığı bir ideya olan
Türk Dövlətlərinin Parlament Assamleyası adlı qurum
bu gün təsis olunaraq Türk millətinin ümidlərini doğrultmaqdadır.
Özü təvazökarlıq edib bunu dilə gətirməsə
də bizlərin borcudur ki, TD PA-nın yaradılması
ideyasının Nizami Cəfərova məxsus olduğunu, onun
reallığa çevrilməsi üçün nə qədər çətinlikləri dəf etdiyini
cəmiyyətə çatdıraq. Assambleyanın yaradılması
məsələsi gündəmə gələn kimi bir ermənilər, bir də sapı
özümüzdən olan baltalar Turanın yaradılması
qorxusunu dilə gətirirdilər. Amma həyat göstərdi ki, Türk
PA yaradıması labüddür və onun mövcudluğu heç kimə
zərbə vurmur.
Nizami müəllim bu cür fəaliyyəti ilə ölkəmizi dünyada
tanıtdırmaq üçün ardıcıl şəkildə çalışmaqdadır.
Azərbaycanın taleyüklü problemlərinə daim öz fəal
mövqeyini bildirən, elmin inkişafına əvəzsiz töhfə
verən, siyasi proseslərdə aktiv iştirak edən Nizami
müəllimi yuxarıda sadaladığımız və sadalaya bilmədiyimiz
faktlara görə (hamısını qeyd etsək böyük bir yer
tutar) Türk Dünyasının inteqrasiyası istiqamətində ən
fəal mübariz kimi xarakterizə etmək olar.
Azərbaycanda Atatürk Mərkəzinin müdiri, professor,
millət vəkili, Azərbaycan Milli Elmlər Akademi -
yasının müxbir üzvü olan Nizami müəllimin bu qədər
vəzifə daşımasına baxmayaraq onunla ünsiyyətdə olan
insanlar yekdilliklə bir fikri təsdiqləyirlər: “Çox sadə
insandır”. Bəs nədir bu sadəliyin səbəbi Bəlkə də bu
sadəliyin səbəbi onun özünün də sadə insanlar arasından
indiki mənsəbə çatması və ən mühümü bu qədər
vəzifə daşımasına baxmayaraq sadə insanlarla
ünsiyyətdən yayınmamasıdır. Bunun digər bir səbəbi
onun işgüzarlıq və çalışqanlıq nəticəsində Nizami
Cəfərov faktorunu ətrafındakılara hiss etdirə bilməsi
olub. Dilçilik elmində, Türkologiyada, ictimai-siyasi
proseslərdə, Türk ölkələrinin inteqrasiyasında və s. kimi
mühüm məsələlərdə Nizami Cəfərovun aktiv iştirakını,
ön sözünü, ilk fikrin sahibi olmasını müşahidə etmək
mümkündür. Onlarla kitabın müəllifi, gənc yaşından
elmi adlara nail olan bir şəxs kimi daim nailiyyətlər əldə
etmiş və bu gün də yorulmadan çalışmaqdadır. Yalnız
özü çalışmır neçə-neçə gəncə də çalışmalarında, elmi,
ictimai sahədə göstərdikləri fəaliyyətdə yaxından
yardımçı olur. Adətən onların inkişafı üçün
yarana biləcək problemlərə qarşı sinəsini
irəli verir və yanında olduqlarını göstərməklə
həyata vəsiqə almalarına, cəmiyyətdə layiqli
yerlərini tutmağa yardımçı olur.
Mənəvi dəyərlərimizin, tariximizin, milli
mentaliletitimizin müdafiəsində, Türklük
ideya-hərəkatının təşkilatlanmasının önündə
gedən Nizami müəllim qətiyyətlə demək olar
ki, bu ideyaya yeni nəfəs verib. Yalnız bir
fakti xatırlatmaq kifayətdir: Rəhbərlik etdiyi
Azərbaycanda Atatürk Mərkəzi hər kəsin üz tuta
biləcəyi bir ünvana çevrilib. Burada Nizami müəllimin
xarakterindən gələn elə bir doğmalıq, demokratiklik,
azad fikirlilik var ki, Mərkəzə qədəm basan insanlar
buranın bir dövlət təşkilatı olduğunu belə hiss etmirlər.
Mərkəzin və Nizami müəllimin otağının qapısının hər
kəsə açıq olması onun gələn insanları dinləmək və
onlara imkanı yetdiyi qədər yardımçı olmağa çalışmasından
xəbər verir. Milli-mənəvi dəyərlərimizin,
Azərbaycanın və Türk Dünyasının inkişafı ilə bağlı
burada keçirilən çoxsaylı tədbirlər məhz onun qayğısı
nəticəsində baş tutur.
Millətinə qarşı oyun oynayan “ziyalılar”a cəsarətlə
və mərdliklə cavab verir Nizami Cəfərov. Bəzi hallarda
onun nail olduğu yüksəkliyi gözü götürməyən bu
“qələm sahiblər”i iftira atmaqla məşğul olurlar. Onun
millətsevərliyini gözləri götürməyənlər ləkələməklə milləti
Nizami Cəfərov kimi müdafiəçisindən məhrum
etmək istəyirlər. O isə bütün bunları nəinki dəf edir,
hətta öz fikrinin üstündə bir qədər də möhkəm dayanmaqla
arxadan gələnlərə nümunə göstərir. Hər bir işdə
olduğu kimi bu məsələdə də arxayın və təmkinli
davranışı ilə qarşısındakıları özündən çıxarmağı
bacarır. Amma özü heç zaman səbirsiz davranmır. Ona
tam şəkildə bəllidir ki, yürüdülən ideyanın həyata
keçməsi bir günün, bir ilin, beş ilin işi deyil. Buna görə
də səbirlə, ardıcıl olaraq fəaliyyət göstərir.
Nizami Cəfərovun bu qədər sevilməsinin, tanınmasının
səbəblərini yuxarıda sadaladıq. Ona görə də o
hər zaman belə bir ucalıqda olacaq. Bizlər isə belə bir
insana lazım olduğu dəyəri verməliyik. Onun bizim
müasirimiz olması diqqətsiz davranmağımızla
nəticələnməməlidir. İnsanlara sağlığında lazımi qiyməti
vermək vacibdir. Ona görə də “Türk Eli” jurnalı və
“Müasir İnkişaf” İctimai Birliyi olaraq Nizami müəllimi 50
illik yubileyi münasibətilə ürəkdən təbrik edir, ona
fəaliyyətində uğurlar arzulayaraq bir şeyi söyləmək
istəyirik: “Heç zaman yolunuzdan çəkilməyin, çünki
Sizdən ilham alan böyük bir ordu yetişir”.
“Türk Eli”
16 ТЦРК EЛИ / OKTYABR-2009, No:5