Milli Zeka
Description
Description
Create successful ePaper yourself
Turn your PDF publications into a flip-book with our unique Google optimized e-Paper software.
<strong>Milli</strong> Zəka<br />
hatlama ehtiyacını tәmin etmәkdәn, hәyatın tәlәb etdiyi ciddi fәaliyyәtlәrә hazırlıq mәşqi etmәkdәn, insanın nәfsinә hakim olmaqdan,<br />
hakimiyyәt qurmaqdan, yarışmadan, zәrәrli vәrdişlәrdәn mәsum şәkildә xilas olmaqdan, real hәyatda gerçәklәşdirilmәsi<br />
imkansız olan arzuların süni yolla hәyata keçirilmәsindәn tutmuş mәnlik duyğusunun qorunmasını saxlamağa qәdәr müxtәlif<br />
izahlar verilmişdir (Huizinga, 2013, 17-18). Ancaq bunların hamısının özlüyündә oyunun bir tәrәfini әhatә etdiyinә, bir tәrәfini<br />
qabartdığına görә oyun haqqında tam bilgi vermәkdәn çox uzaq olduğunu da demәk lazımdır. Oyunu bioloji, estetik vә ağlamәntiqә<br />
dayanan bir fәaliyyәt növü hesab etmәk hardasa imkansızdır. O, özü-özlüyündә var olan rasionalla irrasionalın, ağılla<br />
şüuraltının, mәntiqlә doğaclamanın sәrhәdindә gedib-gәlәn vә insanı insan edәn tәk anlayışdır.<br />
Bütün bu çoxtәrәfli, çoxanlamlı funksiyasına vә fәaliyyәt sferasının genişliyinә baxmayaraq, oyun insanın istәr fәrdi,<br />
istәrsә dә kollektiv şәkildә olsun, hәr gün oynadığı bir şey, gündәlik yaşamı deyildir. Hәtta mәdәniyyәtdәn öncә yaranmasına,<br />
in sanın formalaşmasında oynadığı rola baxmayaraq, oyun hәyatın özü dә deyildir. O, yemәk-içmәk, dinlәnmәk, iş, söhbәt vә<br />
s. qәdәr önәmli dә deyildir vә ya başqa şәkildә desәk, bizi onlar qәdәr әhatә etmәmişdir. Hәtta oyunla iç-içә olan heyvanların,<br />
uşaqların da hәyatı başdan-başa oyundan ibarәt deyildir. Oyun boş vaxtın, vaxtı әylәncәli, zövqlü, mәnalı keçirmәnin<br />
mәhsuludur.<br />
Oyun haqqında deyilәnlәrdәn onun nә olduğunu yenә dә J.Huizinganın sözlәri ilә tamamlamaq mümkündür. Oyun<br />
müstәqil şәkildә razılaşdırılan, ancaq tamamilә әmredici qaydalara uyğun olaraq müәyyәn bir zaman vә mәkan sәrhәdlәri<br />
içindә hәyata keçirilәn, mütlәq bir mәqsәdә yönәldilmiş, bir hәyәcan vә sevinc duyğusu ilә “gündәlik hәyat”dan qoparaq<br />
“başqa cür olmaq” bilincinin hakim olduğu, iradәyә tabe olan bir hadisә vә ya fәaliyyәtdir (Huizinga, 2013, 50). Huizinganın<br />
bu tәrifi oyunun varlığını açmağa xidmәt edәn bacarıq, güc, iradә, әylәncә kimi qavramları da bәrabәrindә gәtirir.<br />
Oyunların bәzilәrindә güc, cәsarәt, bacarıq, dözümlülük, bilmәklik, hәtta şans da önәmli rol oynayır. Burada qeyd<br />
olunması vacib olan bir mәsәlә dә mәqsәdindәn, funksiyasından, mәnasından, formasından asılı olmayaraq, hәr bir<br />
müsabiqәnin oyun olmasıdır. Müsabiqәnin ritual bağlamlı bir növü dә tapmacalardır. Bu gün folklorun epik növünә aid<br />
edilmәsinә baxmayaraq, bu qәlib ifadәlәr, әslindә, bir zәka oyunudur. Huizinganın da yazdığı kimi, “Tapmacanın bir qayda<br />
olaraq vә kökü baxımından qutsal bir oyun olduğu, yәni tapmacanın oyunu ciddi hәyatdan ayıran sәrhәdin o biri tәrәfindә yer<br />
aldığı nәticәsinә gәlә bilirik” (Huizinga, 2013, 65). Epik mәtnlәrdә süjet yaradan element, әylәncә ünsürü olmasına baxmayaraq,<br />
tapmacalar oyun xarakterini itirmәz. Bir az yoxlama, bir az әylәnmә, bir az da süjet yaradan element kimi tapmacalar<br />
Qarabağdan toplanan nağıllarda daha yayğındır. Padşahın “Ən şirin şey nәdir? Ən acı şey nәdir” tapmaca-sualına kiçik qızın<br />
dil gәtirmәsindә olduğu kimi. Vә ya quyuya düşәn qәhrәmana divin “әn gözәl şey nәdir?” - tapmaca-sualına qәhrәmanın<br />
“könül sevәn göyçәk olar” cavabı tapmacaların ağlı yoxladığı kimi, olumla ölümün sәrhәdindә olduğunu da göstәrir. Bu zәka,<br />
ağıl oyunu olmasını isbatlayan әsas kod tapmacanın insan ömrünü, dünya haqqında düşüncәlәri, fәlsәfәni, ağlı ehtiva etdiyindә<br />
qorunmuşdur. Tәbii ki, bütün bunlar tapmacaların özünün strukturundan da görünmәkdәdir.<br />
Tapmaca vә ya soru-cavab tipli oyunlardan әn geniş yayılanlarından biri dә aşıq әdәbiyyatında “dedim-dedi” tipli sorucavab<br />
oyunudur. Bu soru-cavabda aşığın xәyali bir oyun qurduğu, özünün hәm oyunçu, hәm dә tamaşaçı olduğu görünür. Ən<br />
spesifik zәka oyunu ki, burada bütün tәsәvvüfi, dini, dünyәvi, astronomik, әdәbi, tarixi biliklәr sınağa çәkilir, bu oyuna aşıq<br />
yaradıcılığında qıfılbәnd deyilir. Qıfılbәndlәr aşıqlığın bilgi yarışması, elmi vә zәka üstünlüyünü göstәrmәk, zәka yarışını elә<br />
zәkasının gücü ilә dә qazanmaqdır.<br />
Oyun haqqında daha geniş mәlumat da vermәk mümkündür, ancaq deyilәnlәr dә Azәrbaycanda, xüsusәn dә Qarabağda<br />
oyun vә tamaşaların mahiyyәtini açmağa yetәrlidir. Belәliklә, oyun cәmiyyәt hәyatını vә dünyanı qavrama, özünәmәxsus<br />
biçimlәndirmә vә bu biçimin ifadә tәrzidir.<br />
2. Oyunun insan fәaliyyәtindә rolu<br />
Oyun insanın insan olmasında, bәlkә dә, әn әsas mәdәni fәaliyyәt növüdür vә insanın tam şәkildә formalaşmasını tәmin<br />
edәn ünsürdür. Hәr bir oyun (ritual, әylәncә, ciddi, kollektiv, tәkbaşına, oturaq, atüstü oynanan oyunlar) müәyyәn bir qayda<br />
daxilindә keçirilir. Oyun, heç bir şeydәn asılı olmayan müstәqil bir fәaliyyәt sahәsidir. Müstәqil sahә olduğu üçündür ki, onun<br />
öz qayda vә qanunları vardır. Vә “oyun öz hәqiqәtini hakim olan mәntiqin, bilgi qaydalarının zorla qәbul etdirdiyi sistemdәn<br />
kәnarda axtarır vә tapır. Hәr zaman o, hakim sistemin basqısından çıxma, ona alternativlәr yaratma cәhdindәdir vә ona görә<br />
dә sistemin tәtbiqçilәri tәrәfindәn “ciddiyyәtsizlikdә” ittiham edilir” (Zeytinoğlu, 2014, 127). Qayda oyunun әn önәmli ünsürüdür,<br />
o pozularsa, oyun dağılar, ondan heç bir şey qalmaz. Oyun müәyyәn bir dövrdә yarandığından öz dövrünün<br />
özәlliklәrini yansıdır, öz dövrünün qaydalarını formalaşdırır. Oyun nә qәdәr müstәqil sahә olsa da, tarixi, iqtisadi, sosial şәrait<br />
ona öz tәsirini göstәrir. Zaman keçdikcә hәr bir oyun tәkmillәşir, bir şeylәr itirdiyi kimi, yeni әlavәlәr dә qazanır, bәzәn<br />
anlamını dәyişmәyә, yeni bir oyuna dönüşmәyә qәdәr gedib çıxır. O, cәmiyyәtin bütün xüsusiyyәtlәrini – tarixini,<br />
psixologiyasını, milli fәrqliliklәrini, milli tәfәkkürünü, zövq anlayışını, estetik düşüncәsini özündә yaşadan әsas ünsürә çevrilir.<br />
Tәbii ki, oyun tarixi, sosial, iqtisadi, dini vә siyasi şәraitdәn asılı olaraq dәyişә bilir. Hәr halda oyun tәqribәn:<br />
1. İnsanın tәbiәtlә әlaqәsini<br />
2. İnsanların gündәlik hәyat fәaliyyәtini, mәişәtini<br />
3. Dini vә kult xarakterli düşüncәlәrini<br />
4. Fiziki, zehni inkişafını, bacarığını<br />
22