D Waret über de Isidor W. (ZH)

Hungerbühler Im nöchschte Buech. Ha! Dä isch nöd schlächt!
Wanner trotzig. Ich han en Vertraag für drüü Büecher. Und am
erschte bin ischo draa.
Hungerbühler Nüme lang, Wanner. Si müend wüsse, ich ha nöd nume
Papiirchraam mitgnoo. Zieht aus der Tasche ein
riesiges Klappmesser hervor. Das Klappmässer han i
vor es paar Jaar emene Schüeler abgnoo. S isch immer
no choge scharf.
Wanner Dänn tüend Si’s gschiider wider wäg. So ungschickt
wie Si sind, haued Si sich no en Finger ab.
Hungerbühler Erschtens bin i nöd ungschickt, und zwäitens hau ich
Ine öppis ab, wänn Si nöd tiffig underschriibed.
Wanner Für das isch es doch scho lang z spaat. Bis jetz han i
scho zwäi Literatuurpriis überchoo und en äidgenössische
Förderbiitrag. Mer säit, ich seg en Bewiis
defüür, wie effiziänt oisi kantonaale Arbetsloseprogramm
sind. Und min Verlegger verhandlet mit
zwäi Färnseesänder über sone Talk-Dings.
Hungerbühler Talk-Show.
Wanner Genau. Wänn i jetz alles würdi zuegää, dänn wär i uf
äin Tätsch d Witzfiigur vo de Natioon.
Hungerbühler grimmig. Lieber e Witzfiguur als e Liich.
Wanner nicht triumphierend. Höred Si doch uuf,
Hungerbüeler. Si chönnd doch käinere Flüüge öppis z
läid tue. Dank Irem Buech känn ich Sii fascht gliich
guet wie mich sälber.
Hungerbühler Also guet. Si händs eso wele. Stärbed Si! Klappt das
Messer auf, schneidet sich dabei aber tief in den
linken Zeigefinger; lässt das Messer fallen. Aua!
Stärnechäib nomaal!
Wanner Gseend Si. Ich ha’s ja grad gsäit, Si sind es richtigs
Gstaabi. Zum Glück gseet mini Frau s Bluet nöd ufem
Teppich. Geht auf Hungerbühler zu. Zäiged Si mal
ane.
© Teaterverlag Elgg in Belp.
Kein Bearbeitungs- und Kopierrecht.
Kein Aufführungsrecht.
- 32 -