D Waret über de Isidor W. (ZH)

Wanner
Kurzes Schweigen.
sich räuspernd. Ich – ich glaub, ich hett en rächt guete
Vorschlaag, Hungerbüeler. Felix.
Hungerbühler Für Sii immer no Hungerbüeler.
Wanner
Miinetwäge Hungerbüeler. Also, will Si gäg mich ja
überhaupt ekäi Bewiis händ...
Hungerbühler Ich han Ires Gständniss. Sobald ich a mis Mässer
chumme, han ich vo Ine es Gständniss.
Wanner energisch. Jetz höred Si äntli uuf lafere und losed mer
zue.
Hungerbühler Also guet. Wie isch Ire Vorschlaag? Si gäbed alles zue
und ich verzicht uf en Aachlaag, nimm i aa.
Wanner Näi. Mir täiled ois d Arbet.
Hungerbühler Mir täiled ois d Arbet?
Wanner Jawoll.
Hungerbühler Was zum Tüüfel mäined Si mit „täile“?
Wanner Ganz äifach. Si übernämed das mit em Schriibe und ich
übernimm de reschtlich Chraam.
Hungerbühler Was für en „reschtliche Chraam“?
Wanner Si wüssed scho: D Interwiuus, d Fotitermiin, d
Autogrammstunde, d Läsige, di öffentliche Uuftritt;
halt alles was mit Public Relations z tue hät.
Hungerbühler beeindruckt, dass Wanner dieses Wort kennt. Public
Relations.
Wanner PR. Au im Kulturberiich immer wichtiger. Eifrig. Und
vor allem han i mittlerwiile scho vill Erfaarig uf däm
Gebiet.
Hungerbühler richtet sich auf. Sii wännd miin PR-Verantwortliche
sii.
Wanner Aber näi. Vill mee als das. Ich würd Si gäg usse
röpräsentiire, wäret Sii inkognito chönnted wiiter
schriibe.
Hungerbühler Inkognito?
© Teaterverlag Elgg in Belp.
Kein Bearbeitungs- und Kopierrecht.
Kein Aufführungsrecht.
- 34 -