Against communalism of the best-loser system - Lalit Mauritius
Against communalism of the best-loser system - Lalit Mauritius
Against communalism of the best-loser system - Lalit Mauritius
Create successful ePaper yourself
Turn your PDF publications into a flip-book with our unique Google optimized e-Paper software.
Otur mem peryod, nu finn truv Komiser Lapolis Dayal kominaliz e mem “fondamantaliz” post<br />
Komiser Lapolis. Lider BJP, Atal Biharee Vajpayee ti fer enn vizit <strong>of</strong>isyel dan Moris antan ki<br />
Lider Lopozisyon Parlman Lind. Me pandan so sezur <strong>of</strong>isyel li finn usi al rann vizit tu kalite<br />
lorganizasyon relizye. M. Atal Biharee Vajpayee li lider enn parti politik entegrist dan Lend finn<br />
resi fer so vizit semi-<strong>of</strong>isyel kalke lor politik entegrist so parti. Kan guvernman ti program enn<br />
tel vizit, li ti enn manev byin kominal. Misye Vajpayee permet limem fer komanter deplase e<br />
sirtu inakseptab lor politik langaz dan Moris.<br />
Sir Dayanand Burrenchobay, dan enn lartik byin dokimante dan Le Mag 28 Me 1995 finn analiz<br />
kimanyer RSS (Rastriya Swayamsevak Sangh), enn muvman relizye Endu ki ti pran nesans dan<br />
Lend apartir 1927 e ki zordi enplante dan Moris atraver bann lorganizasyon otur Kalbas. Sa<br />
muvman-la finn kumans travay ver enn nuvo form puvwar integris. Lartik dan Le Mag finn nom<br />
bann dimunn ki manb dan sa rezo dan Moris. Parmi ena Minis (Baichoo, Choonee ek<br />
Gobhurdhun), ena depite (Gutty, Neewoor, Dayal, Aumeer), ena sef paraetatik kuma Soobrah,<br />
ena sef MBC (Nando Bodha, Anil Soorajbally ek Bijaye Madhoo), ena konseye minis (Dandeo<br />
Bahadoor) ek Komiser Lapolis (Raj Dayal). Okenn sa bann dimunn ki sa lartik-la finn nome pa<br />
finn demanti sa akizasyon-la. (Dan Lend RSS li lorganizasyon deryer BJP ek lezot parti integris.<br />
RSS mastermaynd ek antrenn bann integrist pu rant dan politik, dan sosyal, dan relizyon e mem<br />
dan militer. So bi se pu batir enn “Nasyon Endu” dan Lend, li napa enterese pu batir enn leta<br />
demokratik ek suveren. RSS met lanfaz lor enn “kiltir” idantiter, baze lor idantite olye ki lor<br />
drwa sekiliye. RSS inn enplike dan formant bagar kominal dan Lend apartir bann lane 1920.<br />
Gandhi ti dekrir RSS kuma enn “lekor avek enn laparans kolektik me ki ena enn vizyon<br />
totaliter”. Gandhi ti mem konpar RSS avek bann Nazi. Dezyem lider RSS, Golwalkar ti ekrir<br />
“non-Endu dan Hindustann bizin swa adopte kiltir ek langaz Endu, bizin aprann pu respekte e<br />
pratik relizyon Endu, bizin panse e reflesi pu glorifye nasyon Endu. Bann non-Endu dan<br />
Hindustann bizin aret zot entolerans ek bizin remersye Lend e Lend so tradisyon milener ki<br />
kiltiv lamur ek devosyon. Setadir si zot ule res dan Lend kuma bann etranze zot pu kapav reste<br />
selman si zot sumet a nasyon Endu kot zot pa pu ena drwa pu revandike, zot pa pu merit okenn<br />
privilez, okenn tretman de faver e zot pa zwir okenn drwa antan ki sitwayen.”)<br />
Sa grup fondamantalist dan Moris paret ena enn form lorganizasyon ki ena buku resanblans<br />
avek “Broederbond”. Samem lorganizasyon ki ti sutenir Guvernman Nasyonalist dan Sid Afrik<br />
e ki ti deryer Dutch Reformed Church dan Sid Afrik pu promuvwar kiltir/relizyon enn kominote<br />
atraver enn rezo ferme.<br />
Apartir asterla, sa nuvo form integris dan Moris pu poz enn gro problem ki tu dimunn progresis<br />
pu ena pu konfronte. Tu dimunn ki ule anpes enn kominalizasyon danzere dan pei pu ena pu<br />
pran kont lamonte sa nuvo kominalism Endu.<br />
An mem tan, sa vye integrism depi lepok kolonyal Franse ankor la. Li danzere. Li azir kuma enn<br />
detonater permanan pu bann nuvo form kominalism ek integrism.<br />
Kan Komiser Lapolis, Raj Dayal ti organiz enn “Maha Yaj” dan Kazern, parey kuma li ti fer le<br />
6 Ut 1995, nu ti kritik sa. Me nu bizin usi an mem tan kritik “lames anyel” pu lapolis (e ponpye,<br />
e zidisyer) ki Legliz Katolik finn tultan organize depi lepok kolonyal kan li ti relizyon klas<br />
dominan. Bizin retir sa vwal ki gard integris Katolik “envizib”.<br />
Kan ena konstriksyon Shiwala ek Moske dan Lopital Kandos (kan fasilite medikal ek lespas pe<br />
telman manke), nu bizin kritik sa melanz ant relizyon avek institisyon sekilye me nu bizin usi<br />
kritik bann lasapel ki deza ekziste dan Kandos. Nu bizin denons lefet ki telman mank lespas, ki<br />
dan Lopital Jeetoo pe bizin fer elekrokardyogram dan kulwar tandi ki akote ena enn Lasapel<br />
relizye omilye enn institisyon sekilye ki okip lasante.<br />
Nu bizin milite pu ferm tu bann lasapel ubyin konverti zot an “lespas trankil pu reflesi”. Lespas<br />
sekilye pu tu dimunn. Ki nu antan ki dimunn pe fer? Nu byin suvan responsab pu met ankor<br />
lenerzi ek resurs dan relizyon, an memtan ki les relizyon akapar lespas sekiliye dan enn fason<br />
danzere.<br />
Nu finn truv distribye trak kominal dan lekol zis ar zanfan katolik pu zot donn zot paran. Nu<br />
finn truv enn-de gran-gran lasanble “paran Katolik” e paran “Lekol Katolik” Ste Helene ek<br />
Lavizitasyon melanze avek fron kominalist “Front pour la Justice au CPE”. Tusala pe arive avek<br />
dan bakgrawnd sa muvman kominalist pli larz ki apel “Malez Kreol”. Enn but de sa muvman<br />
kominalist “Malez Kreol” truv andan legliz e lot but li enn muvman plito politik ki regrup<br />
parwas, lorganizasyon sosyo-kiltirel e yerarsi legliz limem. Lerla kuma nu ti pu kapav predir,<br />
fas a sa finn ena enn kontatak ki ralye dimunn lor baz kominal pu defann langaz Oryantal sann<br />
kut-la.