Against communalism of the best-loser system - Lalit Mauritius
Against communalism of the best-loser system - Lalit Mauritius
Against communalism of the best-loser system - Lalit Mauritius
Create successful ePaper yourself
Turn your PDF publications into a flip-book with our unique Google optimized e-Paper software.
si bann sirkonskripsyon ase tipti, tu diferan “kominote” pu reprezante otomatikman apre<br />
eleksyon. An mem tan A.R.Mohamed, ki asterla finn pran so distans depi Parti Morisyen pu<br />
form “Central Committee for Action” ki plitar pu vinn CAM (Comité Action Musulman), insiste<br />
pu syez rezerve ek lalist elektoral separe pu sak “kominote”.<br />
Finalman ladministrasyon kolonyal Britanik truv enn konpromi ek inpoz enn sistem “First Past<br />
The Post” ek enn depite pu sak 40 sirkonskripsyon, plis enn serten nomb nomini (ki ti apel<br />
“<strong>best</strong>luzer”) parmi kandida ki finn gayn buku vot me pa finn eli, pu retablir lekilib ant parti ek<br />
“kominote”. Eleksyon 1959 fer dapre sa sistem la, ek pu premye fwa, fer lor baz sifraz iniversel.<br />
Parti Morisyen sort gran perdan: li nek fer eli 3 depite lor 40. Me prosesis nominasyon par<br />
ladministrasyon kolonyal Britanik donn li ankor inpe syez.<br />
Me apartir la, Parti Morisyen deklans enn kanpayn kominal pu sey rekiper enn proporsyon sa<br />
baz de klas ki Travayis ti ankor ena parmi travayer. Sa kanpayn kominal la morde dan enn<br />
serten mezir, an parti parski Parti Travayis ti finn devye depi so platform de klas, ek malgre<br />
lefet ki gran burzwazi uvertman sutenir ek finans Parti Morisyen. Dan prosen Eleksyon Zeneral<br />
an 1963, Parti Morisyen ki aster la su linflians politik popilist G. Duval, fer elir 8 depite.<br />
An reaksyon a kanpayn kominal Parti Morisyen pu eleksyon 1963, enn grup dimunn otur P.<br />
Dabee, D. Varma, ek Aneerood Jugnauth met dibut enn parti kominal ki ti apel All <strong>Mauritius</strong><br />
Hindu Congress (AMHC). Sa polarizasyon kominal la debus lor premye bagar kominal an 1965.<br />
Dan sa mem lepok la deba lor lindepandans/lasosyasyon vinn byen so ek mem vyolan.<br />
Tuzur an 1965, kan negosyasyon demare lor reform konstitisyonel ek sanzman sistem elektoral,<br />
ankor enn fwa Parti Morisyen vinn propoz enn sistem Reprezantasyon Proporsyonel ek Lalist<br />
Parti, Parti Travayis pa dakor, ek CAM tuzur an faver syez rezerve ek lalist elektoral separe pu<br />
sak “kominote”.<br />
Finalman Komisyon Banwell vinn propoz apepre seki nu ena zordi; su presyon Parti Travayis,<br />
CAM, IFB (Independent Forward Block), ek AMHC, rapor Stonehouse amenn serten amandman<br />
miner lor fason pu kalkil Bestluzer, ek finalman tu bann Parti tom dakor: zot estime ki sistem<br />
First Past The Post ek 3 depite dan sak 20 sirkonskripsyon (+2 dan Rodrig), ek 8 “Bestluzer”<br />
nome parmi kandida ki pa finn eli, kalkile dapre enn formil ki sey koriz su-reprezantasyon<br />
“kominal”, san afekte balans ant Parti, sa sistem-la reprezant enn konpromi ant bann diferan<br />
pozisyon.<br />
Lefet ki sistem “Bestluzer” depann lor klasifikasyon popilasyon an 4 diferan kominote, ek lefet<br />
ki sak kandida dan enn eleksyon zeneral bizin deklar so “kominote” lor so Nomination Paper, sa<br />
ti enn “perversyon” demokrasi ki tu bann parti politik a lepok ti pare pu aksepte.