Against communalism of the best-loser system - Lalit Mauritius

Ena usi enpe endividi e grup ti-burzwa ki ena lanbisyon pu vinn ris zot mem ek ris zot klan dan
burzwazi. Zot servi dan enn fason sinik explwatasyon ek opresyon dimunn mizer pu sof
sityasyon; lerla zot ofer sime sorti depi sa konfli: zot dir bizen donn zot nominasyon, zot dir
donn larzan pu zot lorganizasyon, zot dir donn zot klan tennder.
Sa li enn ansyen dinamik.
Me byen danzere.
Nu kapav stop li. Nu ena puvwar pu stop li, se lefet ki sa endividi ek ti-burzwa la zot demars
preske tultan baze lor klasifikasyon kominal. Nu kapav parey pran langazman pu arete avek
klasifikasyon ek kategorizasyon dyabolik parey kuma Redakter an sef lagazet an 1968. Me zis
sa pa pu ase.
Pu nu fer progre, nu bizin an mem tan ki nu pe opoz konsyans kominal, pran desizyon politik pu
lite pu “egalite”. Pa pu redistribye inegalite par reprezantasyon proporsyonel. (Ki kalite demand
absird pu dimann mem kantite dimunn san lakaz dan sak “kominote”, mem kantite prizonye dan
sak “kominote”, mem kantite salarye avek gro-gro lapey dan sak “kominote”, mem kantite
propriyeter tablisman dan sak “kominote”, mem kantite laburer dan sak “kominote”, mem
kantite somer dan sak “kominote”.)
Nu demand minimam se egalite.
Nek lerla ki nu pu ena swa pu deside ki pu selebre dan lavi. Nu ena le swa pu selebre nu
limanite iniversel e travay pu dibyen tu limanite.
Nu ena swa sipa pu kontribye nu zefor, nu lapey, nu letan, nu lamur, nu konsiderasyon dan
lorganizasyon ek aktivite non-kominal ubyen non
Nu ena pu fer sa swa-la.
MAK Sukomite lor Best Loser ek Klasifikasyon
Oktob, 1995
(Avan zizman Lakur Siprem
lor kestyon langaz oryantal ek rengkinng ki ti provok sa kriz-la)